• facebook
  • soundcloud
  • twitter
  • youtube
  • mail

Öll svörin

  • Birt: 18/05/2007
  • Höfundur:
  • Skoðanir: 4

Öll svörin

Einar Örn Einarsson

Einar Örn Einarsson er kraftbloggari sem veitir okkur öll svörin.
Einar Örn Einarsson er kraftbloggari til margra ára á eoe.is og skrifar oft skemmtilega um músik. Í dag veitir hann okkur öll svörn.

Besta lag í heimi er…
„Gimme tha Power“ – áróðurslag mexíkósku sveitarinnar Molotov um misnotkun mexíkóskra stjórnvalda á mexíkóskri alþýðu. Það að standa í tónleikasal í Chicago meðal 10.000 mexíkóa og hrópa „viva Mexico, cabrones“ er skemmtilegasta tónleikaupplifun ævi minnar.

Besta plata í heimi er…
Blonde on Blonde. Inniheldur allavegana 4 lög, sem ég myndi telja meðal 20 bestu laga allra tíma: „Visions of Johanna“, „I want you“, „One of us must know“ og auðvitað „Sad Eyed Lady of the Lowlands“. Að mínu mati besta Dylan platan og því að sjálfsögðu besta plata í heimi.

Af hverju eru ekki allir að hlusta á …
Neil Young, Dylan, Bowie og Elvis Costello.

Öll börn ættu að sofna við að hlusta á…
Ágætis Byrjun með Sigur Rós

Allir ættu að hlusta að minnsta kosti einu sinni á ævinni á…
Dark Side of the Moon

Bestu tónleikar sem ég hef séð voru …
Radiohead útitónleikar í 35 stiga hita í Grant Park í Chicago. 25.000 manns með Chicago skýjakjúfana fyrir aftan og til hliðar við sviðið og Michigan vatn hægra megin. Algjörlega frábært. Thom Yorke einn á sviðinu að syngja „You and whose army“ var hápunkturinn.

Þeir tónleikar sem ég sá ekki en vildi mest hafa séð eru …
Einhverjir tónleikar með Bob Dylan í kringum 1966.

Platan sem mótaði unglingsárin mín er…
Hmmm… ég veit ekki. Þær plötur, sem ég hlustaði oftast á á þessum tíma eru sennilega Weezer með Weezer, (What’s the story) Morning Glory með Oasis, Parklife með Blur, Pump með Aerosmith og Dark Side of the Moon með Pink Floyd. Veit ekki hvort einhver hafi haft sérstaklega mótandi áhrif á mig.

Þegar ég geng í kringum tjörnina á elliárunum vil ég hlusta á …
Vonandi eitthvað, sem ég hef ekki heyrt ennþá.

Ég er það sem ég er af því ég hlustaði á …
David Bowie, Aerosmith, Pink Floyd, Bob Dylan.

Ég vildi að ég hefði samið…
Eitthvað gott stuðlag, sem ég gæti sungið í partýjum og náð stemningunni alltaf upp.

Sá texti sem hrærir mest í hjarta mínu er…
„True Love Waits“ með Radiohead.

Besta bömmerlag í heimi er…
„Last Goodbye“ með Jeff Buckley.

Í eigin hugarheimi gangandi um öngstræti lífsins hlusta ég helst á…
Sea Change með Beck

Þegar ryksugutónarnir óma finnst mér að undir eigi að hljóma…
„I’m the Ocean“ með Neil Young.

Ég var ástfangnastur unglingur þegar ég hlustaði á…
„I want you“ með Elvis Costello.

Ég myndi helst vilja spila í bandi með (lífs eða liðnir)…
„The Band“ með Dylan. Ég gæti reynt að syngja bakraddir.

Vanmetnasta hljómsveit í heimi er…
Eels

Ofmetnasta hljómsveit í heimi er…
Eagles, Keane

Þú ættir að hlusta á…
Eitthvað gott kántrí til að losna við fordómana. Til dæmis Red Headed Stranger með Willie Nelson.

Ef ég ætti að bæta við spurningu myndi ég bæta við (og svara henni)…
Besta tónlistin í líkamsræktinni: Rocky IV platan. Óborganleg snilld. Mér líður alltaf einsog ég geti allt þegar ég hlusta á þá plötu: 🙂

4 Athugasemdir

  1. Ari Gunnar · 16/04/2007

    Eels ER vanmetnasta hljómsveit í heimi

  2. Beggi · 16/04/2007

    nákvæmlega! Eels er klárlega vanmetnasta hljómsveit í heimi.

  3. Beggi · 16/04/2007

    ég var einmitt mjög glaður þegar Rjóminn tók live plötuna þeirra fyrir á síðasta ári.

  4. staffan · 20/04/2007

    þokkalega er keane mesta sorpband seinni tima… sammála eoe þar.
    V.

Leave a Reply