• facebook
  • soundcloud
  • twitter
  • youtube
  • mail

Heimasíðan Coxbutter

  • Birt: 21/12/2007
  • Höfundur:
  • Skoðanir: 0

Heimasíðan Coxbutter

Frítt niðurhal

Spennandi viðbót við íslenska tónlistarflóru
Nú hefur ný íslensk netsíða skotið upp kollinum en sú ber heitið coxbutter.com. Á bak við síðuna standa þeir Class B, Diddi Felix og Ægir Æx og er markmið síðunnar að þeirra sögn það að skapa beint aðgengi á milli tónlistarmanna og áheyrenda á sem einfaldastan og ódýrastan hátt. Síðan er sú fyrsta sinnar tegundar í íslensku tónlistarlífi og er óhætt að segja að hugmyndin sé stórgóð, því þrátt fyrir að færa ekki beint peninga í buddu tónlistarmannana er auðurinn annars konar og jafnvel enn meiri. Eða eins og þeir taka sjálfir fram á síðunni:

Öllum útgáfum CoxButter verður dreift í gegnum heimasíðu okkar í MP3 formi, algerlega ókeypis. Sumir spyrja sig eflaust hvernig það geti hagnast listamanninum að gefa plötur sínar á netinu endurgjaldslaust. Við viljum meina að auður eigi sér margar birtingamyndir og þar sem ekki er hægt að afla fjár megi græða á fleiri vegu. Að skapa sér nafn, að ná eyrum fólksins, að eignast aðdáendur eru þættir sem eru tónlistarmanninum nauðsynlegir til að skapa honum og tónlist hans hljómgrunn.

Satt og rétt.

Fyrsta útgáfa heimasíðunnar, tilbúin til niðurhals, er frumburður Didda Felix og Gunna Maris en þeir félagarnir höfðu rætt lengi um samstarf áður en þeir létu loksins verða af því. Gripurinn nefnist „Hvernig rúllar þú?“ og er aðeins nokkrum músarsmellum frá eyrum þínum.

Lestu meira á CoxButter síðunni eða vingastu við CoxButter.

Leave a Reply