• facebook
  • soundcloud
  • twitter
  • youtube
  • mail

The Hook

FourÞað muna eflaust flestir eftir laginu “The Hook” af plötunni Four með blúsrokkurunum Amerísku í Blues Traveler. Lagið náði talsverðum vinsældum um allan heim á árunum ’94 til ’96 og var Ísland þar engin undantekning enda lagið enn spilað mjög reglulega á dægurlagastöðvum landsins.

Ég komst að því um daginn að það er lítil en afar fróðleg saga á bakvið lagið sem kítlaði tónlistarnördinn í mér töluvert. Titill lagsins vísar í það fyrirbæri í tónlist sem oftast er kallað “húkk” eða “krókur” en það gæti t.d. verið grípandi laglína eða viðkunnanlegur hljómagangur sem einkennir viðkomandi lag eða tónsmíð. Í texta lagsins segir hinn dygri söngvari sveitarinnar, John Popper, að það skipti nánast engu máli um hvað hann syngi því lagið sé svo grípandi og það sé það eina sem fái hlustandan til að hlíða á lagið aftur og aftur.

Til að gera lagið eins viðkunnanlegt og grípandi og hægt var leituðu liðsmenn Blues Traveler á náðir hins þýska barokk meistara Johann Pachelbel og fengu hljómaganginn úr hans þekktasta verki, “Canon í D dúr”, lánaðan (hljómagangurinn er að grunninum til sá sami þó hljómarnir séu eilítið öðruvísi). Þeir sem þekkja þessa frægu tónsmíð Pachelbel ættu flestir að vera sammála um að þar sé á ferð eitt auðþekkjanlegasta og vinsælasta verk klassíksrar tónlistar.

“The Hook” vísar einnig augljóslega í söguna um Pétur Pan og baráttu hans við Kaftein Krók og nær lagahöfundur að fletta saman ævintýrið um “krókinn” og tónlistarfyrirbærið “krók” á snilldarlegan hátt í einni setningu undir lok lagsins “no matter how much Peter loved her, what made the Pan refuse to grow, was that the Hook brings you back

Blues Traveler – The Hook

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Pachelbel – Canon in D

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Egill er ritstjóri Rjómans.

4 Athugasemdir

  1. Gísli Pétur Hinriksson · 28/04/2009

    Helvíti nett. Manni grunaði þetta. Maður hefur líka heyrt þetta stef hans Pachelbel í mjööög mörgum lögum. Vísa í þessa lesningu: http://tinyurl.com/ecvd5 takk fyrir góða grein Egill Harðar

  2. Egill Harðar · 28/04/2009

    Þakka þér. Og takk fyrir frábæran tengil. Ekki grunaði mig að svona mörg þekkt lög byggðu á Canon!

  3. Haukur SM · 28/04/2009

    Frábær grein Egill!

  4. Egill Harðar · 28/04/2009

    Takk fyrir 🙂

Leave a Reply