• facebook
  • soundcloud
  • twitter
  • youtube
  • mail

Tónleikar með Foreign Monkeys & Cliff Clavin

  • Birt: 04/06/2009
  • Höfundur:
  • Skoðanir: 0

Hvað: Tónleikar með Foreign Monkeys & Cliff Clavin
Hvar: Dillon Sportbar, Trönuhrauni 10, Hafnarfirði
Hvenær: Föstudaginn 5. júní
Klukkan: Tónleikar hefjast á miðnætti
Kostar: Ekki krónu

Foreign MonkeysHin vestmanneysku heljarmenni í Foreign Monkeys, munu leika á tónleikum á Dillon Sportbar í Hafnarfirði, föstudagskvöldið 5.júní næstkomandi. Fyrsta plata Foreign Monkeys leit dagsins ljós fyrir nokkrum vikum og hefur hlotið góðar viðtókur og einróma lof gagnrýnenda, meðal annars fjórar stjörnur af fimm hjá Morgunblaðinu. Sveitin er, eins og mörgum er kunnugt, sigurvegari Músíktilrauna árið 2006, og hefur vinna við plötuna staðið yfir, meira og minna síðan að sveitin sigraði þá merku keppni. Upptökur fóru fram vítt og breitt um landið undir stjórn Magnúsar Øder, sem einnig sá um hljóðblöndun. Styrmir Hauksson masteraði svo gripinn á teip.

Tónlist sveitarinnar er kraftmikið riffa rokk á góðri keyrslu og hefur verið líkt við QOTSA, Soundgarden og Faith No More svo einhverjir séu nefndir. Lofa peyjarnir kraftmiklum stuð konsert, svita og einhverju blóði á föstudaginn. Tónleikarnir hefjast kl. 00:00 og verða stórsnillingarnir í Cliff Clavin, FM til halds og trausts. Platan verður til sölu á tónleikunum á sérstöku kynningarverði.

Leave a Reply