Snorri Helgason, Lights on the Highway, Prins Póló og Markús Bjarna á Grapevine Grand Rock #11

Fréttatilkynning

Hvað? Lights on the Highway, Markús Bjarnason &  The Diversion Sessions, Prins Póló og Snorri Helgason koma fram
Hvar? Öl-kránni Grand rokk, Smiðjustíg
Hvenær? Föstudaginn 13 kl. 22:00 og fram eftir kvöldi
Hvað kostar? Þúsundkall

Á Grand rokk nk föstudagskvöld leiða saman hesta sína frábærir tónlistarmenn úr ger-ólíkum öngum íslensks tónlistarlífs, til þess að  leika sín lög af innlifun og sál, kanna  tilfinningalitrófið allt í þaula og freista þess að læra hvort þeir eiga e.t.v. meira sameiginlegt en margan grunar.

Hér er um að ræða þá Snorra Helgason, sem er í þann mund að gefa út sína fyrstu breiðskífu í kjölfar fjölda sigra sem liðsmaður Sprengjuhallarinnar, Lights On The Highway, sem sendu frá sér hina frábæru breiðskífu Amanita Muscaria í haust (en hún hefur mikið hljómað á öldum ljósvakans), Prins Póló (alteregó Skakkamanage-snillingsins Svavars Péturs Eysteinssonar) sem sló í gegn svo um munaði sl. sumar með slagaranum “Átján og hundrað” auk Markúsar Bjarnasonar & The Diversion Sessions, en þar fer fyrrum forsprakki Skáta mikinn í nýju og spennandi verkefni sem hefur vakið nokkuð umtal upp á síðkastið.

Húsið opnar kl. 22:00 og aðeins kostar kr. 1.000 inn.

Tónleikarnir eru afurð afar heillavænlegs samstarfs miðbæjarblaðsins Reykjavík Grapevine og tónlistarveitunnar gogoyoko.com. Þess má og geta að Grapevine-liðar leggja nú drög að næsta útgáfuári blaðsins (sem verður þess áttunda) og gogoyoko hefur vakið mikla og jákvæða athygli fyrir sitt frábæra framtak undanfarið (nú síðast í stórri grein á forsíðu fréttavefjar Aftenposten).

Snorri Helgason – Freeze Out

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Tengdar færslur:

1. gogoyoko kynnir: Grapevine Grand Rock #7
2. Grapevine Grand Rock
3. gogyoko kynnir: Grapevine Grand Rock #10
4. Lights On The Highway fagna útgáfu
5. Snorri Helgason fagnar útgáfu í Þjóðleikhúskjallaranum annað kvöld

Tjáið ykkur um málið

Notendanafn (required) :
Netfang (required) :
Heimasíða :
Athugasemd yðar :
Authenticate this comment using OpenID.