• facebook
  • soundcloud
  • twitter
  • youtube
  • mail

Quadruplos gefa út frumraun sína í dag

  • Birt: 23/04/2010
  • Höfundur:
  • Skoðanir: 0

Hljómsveitin Quadruplos, skipuð þeim Magnúsi Birki Skarphéðinssyni og Tómasi Þórarni Magnússyni, gefur út sínu fyrstu plötu í dag  föstudaginn 23. apríl. Brak hljómplötur  í samstarfi við Weirdcore gefa út gripinn í takmörkuðu, númeruðu upplagi sem mun fást í helstu plötubúðum landsins.

Sveitin hefur verið starfandi í núverandi mynd í um það bil eitt ár og hefur á þeim tíma getið sér gott orð sem ein kröftugasta tónleikasveit landsins á sviði raf og danstónlistar. Plata þeirra inniheldur átta lög sem er hvert af öðru fjörugra og á án efa eftir að fá fólk til að hrista rassinn og dilla hausnum í hinum ýmsu veislum landsins.

Quadruplos mun spila á Karamba síðasta vetrardag ásamt Loja sem gaf út hjá Braki í síðasta mánuði og Snorra Helgasyni.  Tvíeykið mun einnig spila fyrir gesti og gangandi í plötubúðinni Havarí í Austurstræti laugardaginn 24. apríl kl. 16.

Quadruplos á MySpace

Leave a Reply