• facebook
  • soundcloud
  • twitter
  • youtube
  • mail

Nýtt lag með Jónasi Sigurðssyni

Jónas Sigurðsson, sem síðast sendi frá sér plötuna Þar Sem Malbikið Svífur Mun Ég Dansa, vinnur nú að sinni annari plötu ásamt sveit sinni Ritvélum Framtíðarinnar. Mun nýja platan heita Allt Er Eitthvað og kemur út fyrsta október næstkomandi á vegum COD Music. Fyrsta smáskífan af væntanlegri plötu, “Hamingjan er hér” var frumflutt á Rás 2 í gær og hefur þegar vakið mikla og verðskuldaða athygli. Lagið má nú nálgast frítt til niðurhals á Tónlist.is en einnig má heyra það á heimasíðu Jónasar.

Eins og heyra má hér að neðan er um sankallaðann sumarsmell að ræða og ekki veitir okkur íslendingum af smá hamingjuskoti á þessum síðustu og verstu. Í laginu koma m.a. fram, ásamt Jónasi sem syngur og spilar á trommur, þær Kristjana Stefánsdóttir og Esther Jökulsdóttir sem sjá um hamingjusöng, Ingi Björn Ingason á Bassa, Ingimundur Óskarsson einnig á bassa, Snorri Sigurðarson á trompet, Steinar Sigurðarson á saxann, Leifur (Djazz) Jónsson á básúnu, Jakob Munck Mortense á túbu, Stefán Örn Gunnlaugsson á hljómborð (hann sá einnig um forritun, bakraddir, bjöllur og klapp) og svo Thorbjorn Knudsen sem sá um áslatt.

Jónas Sigurðsson og Ritvélar Framtíðarinnar – Hamingjan Er Hér

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Egill er ritstjóri Rjómans, vefhönnuður, bloggari, faðir, hundaeigandi og tónlistar- og fótboltaunnandi. Egill hefur m.a. setið í dómnefnd Kraums Tónlistarsjóðs, fagráði Airwaves og verið álitsgjafi um ýmislegt tengt tónlist og tengdum málefnum.

1 Athugasemd

  1. Tweets that mention Nýtt lag með Jónasi Sigurðssyni | Rjóminn -- Topsy.com · 09/07/2010

    […] This post was mentioned on Twitter by Egill Harðar and Hlynur Sigurþórsson. Hlynur Sigurþórsson said: ÖÖÖSKRANDI HRESSLEIKI! http://bit.ly/d7k2QA […]

Leave a Reply