• facebook
  • soundcloud
  • twitter
  • youtube
  • mail

Airwavesband #1 : Film

Hefst nú yfirferð Rjómans á nokkrum af þeim fjölmörgu listamönnum sem stíga munu á stokk á Airwaves hátíðinni sem hefst eftir rétt tæpar tvær vikur. Við hefjum yfirferðina á grísku sveitinni Film en hún spilar afar myndrænt dark-wave í bland við post-punk, ef það segir ykkur eitthvað. Film er víst aðal númerið í indie senunni í Aþenu og hefur túrað víðsvegar um Evrópu við góðan orðstýr.

Film hafa nú lagt inn umsókn sína í fjölmennan klúbb íslandsvina því nýlega hóf sveitin samstarf við bæði Hildi Kristínu Stefánsdóttur, söngkonu Rökkurróar, og grallarana í FM Belfast, sem tóku það að sér að remixa lagið “Harmur fuglsins”, afrakstur samstarfs Film og Hildar. Mun Hildur flytja lagið með Film þegar sveitin spilar á Airwaves.

Meðfylgjandi er lagið “Harmur Fuglsins” í flutningi Film og Hildar Kristínar og svo umrætt remix FM Belfast.

Egill er ritstjóri Rjómans, vefhönnuður, bloggari, faðir, hundaeigandi og tónlistar- og fótboltaunnandi. Egill hefur m.a. setið í dómnefnd Kraums Tónlistarsjóðs, fagráði Airwaves og verið álitsgjafi um ýmislegt tengt tónlist og tengdum málefnum.

Leave a Reply