• facebook
  • soundcloud
  • twitter
  • youtube
  • mail

Gylfi Ægis á Faktorý

  • Birt: 05/10/2010
  • Höfundur:
  • Skoðanir: 0

Gylfi Ægisson verður með tónleika á Faktorý fimmtudagskvöldið 7. október. Þar mun þessi mikli meistari leika og syngja mörg af sínum vinsælustu lögum. Tónleikarnir hefjast stundvíslega kl. 22:00 en efri hæðin opnar kl. 21:00. Aðgangseyrir er 1000 kr og verða diskar með vinsælum lögum Gylfa seldir á staðnum.

Gylfi Ægisson fæddist og ólst upp á Siglufirði í umróti síldaráranna. Hann fór ungur að spila fyrir sig og kunningja sína og smám saman einnig að semja laglínur og texta. Hann hafði þegar samið mörg lög þegar Hljómsveit Ingimars Eydal tók lag hans, “Í sól og sumaryl”, til flutnings árið 1972. Það lag varð sumarsmellurinn það árið og í kjölfarið kom “Minning um mann”, flutt af Logum frá Vestmannaeyjum.

Árið 1974 kom út breiðskífan Gylfi Ægisson sem rokseldist og fleiri sólóplötur fylgdu í kjölfarið. Árið 1980 kom út fyrsta Halastjörnuplatan af fjórum sem bar nafnið Meira salt. Á henni er eitt vinsælasta lag Gylfa fyrr og síðar, “Stolt siglir fleyið” mitt.

Gylfi Ægisson – Minning um mann

Leave a Reply