Norræna húsið er búið að festa sig í sessi sem einn af helstu off-venue stöðum Airwaves. Samstarfið hófst árið 2007 og æ síðan hafur verið veigamikil dagskrá tengd Airwaves í Vatnsmýrinni.

Öll dagskráin fer fram í sal Norræna hússins sem er sérstaklega hannaður fyrir akústik flutning enda eru formerkin í ár líkt og í fyrra: Akústik Airwaves.

Mikið er lagt upp úr því að það fari vel um gesti, til hálfs við hefðbundna stóla verður hægt að láta fara vel um sig í beddum og sófum frá Góða hirðinum.

Frá upphafi hefur verið lögð áhersla á norræn bönd og í ár eru sjö bönd af tólf frá Noregi, Danmörku, Færeyjum og Grænlandi.
Böndin spila órafmagnað (að mestu) og eftir hverja tónleika er óformlegt viðtal þar sem gestum gefst færi á skjóta að spurningum. Spyrlar eru tónlistarspekúlantar úr ólíkum áttum.

Dagskráin hefst á fimmtudag og endar á sunnudeginum þegar sýndar verða heimildarmyndirnar “Hærra ég og þú” um sveitina Hjálma og “Where is the snow?!” sem fjallar um sjálfa hátíðina.

Off-Venue dagskránna má sjá hér [PDF]

Tengdar færslur:

Akústik Airwaves í Norræna húsinu 2012 Ólöf Arnalds heldur tónleika í Norræna Húsinu Kría Brekkan heldur tónleika í Norræna Húsinu Grænlenska hljómsveitin Nanook í Norræna húsinu 31.ágúst Ólöf Arnalds heldur tónleika í Norræna Húsinu