• facebook
  • soundcloud
  • twitter
  • youtube
  • mail

Gildran á Sódóma

  • Birt: 23/11/2010
  • Höfundur:
  • Skoðanir: 0

Ein ástsælasta rokksveit Íslands fyrr og síðar, Gildran, fagnar 30 ára starfsafmæli í ár. Í tilefni af því kom út tónleikaplatan Vorkvöld – Live 1. maí 2010, en hún inniheldur upptökur af afmælistónleikum Gildrunnar í Hlégarði í Mosfellsbæ. Platan hefur fengið góðar viðtökur hjá aðdáendum hljómsveitarinnar svo og gagnrýnendum og hafa tónleikar sveitarinnar verið vel sóttir að undanförnu og var t.a.m. fullt út úr dyrum á tónleikum þeirra í Austurbæ fyrir hálfum mánuði síðan. Því hefur hljómsveitin ákveðið að bjóða upp á tónleika á Sódóma nk. föstudagskvöld 26. nóvember þar sem aðdáendum Gildrunnar býðst að sjá þá á kröftugum bar-tónleikum. Þeim til aðstoðar er Vignir Stefánsson á hljómborð og stjörnuhljóðmaðurinn Bjarni Friðriks í daglegu tali nefndur Biffi Mojo.

Húsið opnar kl 22:00 og Gildran hefur leika kl 23:00.

Gildran – Vorkvöld í Reykjavík

Gildran – Mærin

Leave a Reply