• facebook
  • soundcloud
  • twitter
  • youtube
  • mail

Útgáfutónleikar Apparat Organ Quartet

  • Birt: 06/12/2010
  • Höfundur:
  • Skoðanir: 1

Orgelsveitin Apparat heldur upp á útgáfu hinnar langþráðu Pólýfóníu með tónleikum á Nasa þann 9.desember! Er þetta eina tækifærið til að sjá hljómsveitina spila í þónokkurn tíma og ætti fólk því að fjölmenna á Nasa. Orgelmeistararnir lofa fjöri með tilheyrandi sápukúluvélum og öðrum óvæntum glaðningum, en auk þeirra koma hljómsveitirnar Sykur og DJ Flugvél og geimskip fram. Sérstakur leynigestur sem tilkynnt var um hefur nú verið afhjúpaður og mun hann einnig leika á undan sveitinni, en það er japanski orgelsnillingurinn Junichi Matsumoto (sjá myndband að neðan).

Tónleikarnir hefjast kl. 21:00 og kostar 1500 kr. inn. Miðasala fer fram í 12 Tónum, Skólavörðustíg 15, og svo við hurð á Nasa þann 9. desember.

Forsala á Pólýfóníu er hafin á gogoyoko þar sem einnig er hægt að hlusta á plötuna alla án endurgjalds, en almennur útgáfudagur hennar er sá sami og tónleikadagurinn, þ.e. 9.desember.

Umslag plötunnar hefur fengið gríðargóð viðbrögð en það var meðal annars kosið besta plötuumslagið hjá bæði Fréttablaðinu og Fréttatímanum – kannski ekki að undra þegar hönnuðurinn er Siggi Eggerts!

Fylgist með Apparat á netinu:

www.twitter.com/ApparatOrgan
www.facebook.com/ApparatOrganQuartet
www.myspace.com/apparatorganquartet

Að neðan má heyra fyrsta lagið af Pólýfóníu, ‘Babbage’, en það og fleiri slagarar munu heyrast á fimmtudaginn á Nasa:

1 Athugasemd

  1. Tweets that mention Útgáfutónleikar Apparat Organ Quartet | Rjóminn -- Topsy.com · 06/12/2010

    […] This post was mentioned on Twitter by Rjóminn, ApparatOrganQuartet. ApparatOrganQuartet said: Rjóminn um útgáfutónleikana okkar….: http://fb.me/Lcflzwyv […]

Leave a Reply