• facebook
  • soundcloud
  • twitter
  • youtube
  • mail

Jólaljós Ívars Helgasonar

  • Birt: 17/12/2010
  • Höfundur:
  • Skoðanir: 0

Ívar Helgason sendi í lok nóvember frá sér sína fyrstu sólóplötu Jólaljós. Hann syngur víða í desember og verða næstu tónleika haldnir á sunnudaginn kl. 20:00 í Hafnarfjarðarkirkju en aðeins kostar 500. kr. á tónleikana.

Jólaljós er einlæg og metnaðarfull plata og á hana valdi Ívar mörg af sínum eftirlætis jólalögum. Efnisskráin spannar allt frá stórum kraftmiklum útsetningum að einlægum, litlum stefjum. Lögin eru afar fjölbreytileg og í bland við vel þekkt jólalög eru á plötunni þrjú ný lög. Tvö frumsömdu laganna eru eftir Ívar, en titillagið, “Jólaljós” er eftir Jónas Þóri við texta sr. Hjálmars Jónssonar.

Meðal annarra laga á plötunni eru “Ó helga nótt” sem allir þekkja, “Vonandi um jólin” sem þekkt er í flutningi Stevie Wonder, “Heyrðu englasönginn” sem betur er þekkt sem “Do you hear what I hear” og “Söngur klukknanna”, sem margir þekkja úr kvikmyndinni Home alone. Lögin eru öll flutt á íslensku og líta margir nýir íslenskir textar dagsins ljós á plötunni.

Leave a Reply