• facebook
  • soundcloud
  • twitter
  • youtube
  • mail

Cake setja met

Hljómsveitin Cake hefur nú sett nýtt met í plötusölu í Bandaríkjunum. Metið er af þeim toga að hljómsveitin hefur náð toppsæti með því að selja einungis 44.000 eintök af nýjustu plötu sinni, Showroom of Compassion, fyrstu vikuna í sölu.
Cake, sem þekktust er fyrir lög á borð við Never There, Sheep Go To Heaven og Shirt Skirt/Long Jacket sendi síðast frá sér plötuna Pressure Chief en platan kom út árið 2004 og er þetta því fyrsta plata sveitarinnar í ein 7 ár. Sveitin átti smellinn No Phone af þeirri plötu en hefur eftir það legið í skugganum, þó hér og þar hafi ábreiða eftir sveitina litið dagsins ljós.

Ekki eru þetta góð tíðindi fyrir plötusölu í heiminum í dag en Cake mega þó sáttir sitja þó þeir maki vart krókinn. Sem dæmi má nefna að fyrir aðeins áratug seldist plata smjörsteiktu apanna í NSYNC, No Strings Attached, í 2,41 milljón eintaka í sinni fyrstu viku í Bandaríkjunum. Það er smotterís munur.

1 Athugasemd

  1. Vikan er leið (16.-22.janúar) « Samræði · 22/01/2011

    [...] Tónlistarsíðan Rjóminn birti svo daginn eftir færslu þess efnis að bandaríska rokksveitin Cake hafi sett met með því að eiga söluhæstu plötu vikunnar, en eintakafjöldi var í sögulegu lágmarki fyrir slíkt toppsæti. http://rjominn.is/2011/01/20/cake-setja-met/ [...]

Leave a Reply