Rjóminn

Nú er um að gera að ræskja sig, dusta rykið af sneriltrommunni, kaupa nýja strengi í bassann og gítarinn og stinga hljómborðinu í samband.

Músíktilraunir 2011 nálgast óðfluga og því ekki seinna vænna en að undirbúa þátttöku.

Hver hljómsveit eða einstaklingur skilar inn tveimur demó upptökum af frumsömdu efni á MP3 formi inná www.musiktilraunir.is, ásamt mynd í góðri upplausn og stuttri lýsingu.

Skráning hefst á www.musiktilraunir.is 28. febrúar og lýkur 13. mars en undankvöld tilraunanna eru 25, 26, 27, 28 mars og er úrslitakvöldið 2.apríl.

Hljómsveitir geta fengið aðstoð við upptökur á demóum í Hinu Húsinu. Nánari upplýsingar fást hjá musiktilraunir@itr.is

Tengdar færslur:

1. Úrslitakvöld Músíktirlauna 2011
2. Músíktilraunir 2011 – Tónlistarhátíð hefst um næstu helgi
3. Músíktilraunir : Pom Blu
4. RetRoBot sigraði Músiktilraunir
5. Síðasta kvöld Músíktilrauna lokið