• facebook
  • soundcloud
  • twitter
  • youtube
  • mail

Fyrstu útgáfur TomTom Records líta dagsins ljós

  • Birt: 24/02/2011
  • Höfundur:
  • Skoðanir: 0

Út er komin platan Andefni með tónlistarmanninum Prince Valium ásamt ep plötunni Life’s a Beach” með Tonik. Plöturnar eru gefnar út af nýju íslensku útgáfufyrirtæki, TomTom Records, sem sérhæfir sig í útgáfu á íslenskri raftónlist.

Útgáfurnar má nálgast í stafrænu formi á heimasíðu TomTom Records frá og með 24. febrúar 2011. Þar má einnig hlusta á plöturnar í gegn um streymi.

Andefni er önnur sólóplata listamansins Prince Valium en árið 2005 kom út hans fyrsta plata, Andlaus, á breska útgáfufyrirtækinu Resonant Records. Á nýju plötunni er Prince Valium svo sannarlega á sínum heimaslóðum í tónlistinni. Þar er að finna 12 lög, sem öll eiga það sameiginlegt að vera mjög ambient-skotin og melódísk, einkenni sem Prince Valium er vel þekktur fyrir í sínum tónsmíðum.

Life’s a Beach er stafræn smáskífa eftir Tonik sem áður hefur sent frá sér plötuna Form Follows (2009) og stuttskífuna Bogus Journey (2010). Þjóðlagamúsíkantinn Jóhann Kristinsson leggur til söng á Life’s a Beach og sjá íslenska rafsveitin Bypass og danski raftónlistamaðurinn Spejderrobot um endurhjóðblandanir (e. remix).

Leave a Reply