Rjóminn

Aðstandendur Iceland Airwaves tilkynntu í dag að draumapoppsveitin Beach House muni troða upp á hátíðinni í ár. Verður þetta að teljast mikið fagnaðarefni fyrir íslenska tónlistarunnendur og hvalreki mikill.

Auk Beach House var staðfest að Totally Enormous Extinct Dinosaurs, Honningbarna og Matthew Hemerlein hafi verið bætt í föngulegan hóp erlendra listamanna sem koma munu fram á hátíðinni.

Einnig var tilkynnt um að fjölgað hefði í hóp íslenskra listamanna sem staðfest hafa komu sína og munu Kira Kira, Retro Stefson, Friðrik Dór og brassaða poppbandið Valdimar láta tóna sína fljóta um vanga hátíðargesta.

Því má svo bæta við að lokum að töllaukna tónlistarbáknið Harpan mun hýsa hluta hátíðarinnar í ár og er það vel.

Beach House – Norway

Tengdar færslur:

1. Robyn á Airwaves
2. Fleiri sveitir staðfesta komu sína á Airwaves
3. Airwaves 2010
4. Bombay Bicycle Club á Airwaves
5. Iceland Airwaves tekur á móti hljómsveitarumsóknum