• facebook
  • soundcloud
  • twitter
  • youtube
  • mail

Ensími á Akureyri í kvöld

  • Birt: 25/03/2011
  • Höfundur:
  • Skoðanir: 1

Ensími og Record Records gáfu út fyrir nokkru plötuna Gæludýr sem hefur fengið frábærar viðtökur og í tilefni af útgáfunni hefur sveitin ferðast um landið undanfarin misseri og kynnt plötuna.

Ensími hefur ekki heimsótt Akureyri í fjöldamörg ár og því kærkomið tækifæri fyrir tónlistarunnendur norðan heiða að bera sveitina augum enda er Ensími talin gífurlega frambærileg tónleikasveit.

Tónleikarnir fara fram á Græna hattinum í kvöld, föstudaginn 25. mars, en ásamt Ensími mun sveitin Ugly Alex stíga á stokk. Ensími mun hita upp fyrir tónleikana á útvarpsstöðinni +987 en sveitin mun mæta í útsendingu, leika nokkur lög, spjalla við þáttarstjórnendur og gefa nokkra miða á tónleikana.

Tónleikar hefjast klukkan 22:00. Forsala miða er í Eymundsson og er aðgangseyrir 2000 kr. íslenskar. Aldurstakmark 18 ár.

Ensími – Hrúgald

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

1 Athugasemd

  1. AronF · 26/03/2011

    Besta bandið !

Leave a Reply