Rjóminn

Fimmtudaginn 23. Júní heldur gogoyoko wireless tónleikaröðin áfram. Þetta er unplugged tónleikaröð þar sem gogoyoko fær uppáhalds hljómsveitirnar sínar til að setja sín bestu lög í nýjan búning og þar sem um einstaka upplifun er að ræða verða viðburðirnir festir á filmu og gefnir út í DVD viðhafnarútgáfu fyrir næstu jól.

Í þetta skipti ætlar hljómsveitin Bloodgroup, sem er þekktust fyrir dansvæna rafmagnstónlist, að taka upp kassagítarinn og hljóma eins og þau hafa aldrei gert áður. Þau hafa fengið til liðs við sig strengjasveit og píanóleikara og eru um þessar mundir við stífar æfingar að setja lögin sín í órafmagnaðar útgáfur.

Sem fyrr verða bara hundrað miðar í boði og síðast þurfti að vísa mörgum frá svo við minnum fólk á að vera snemma á ferðinni.

Húsið opnar kl 21.00 og hefjast tónleikarnir stundvíslega kl. 22.00

Miðasala fer fram í 12 tónum á skólavörðustíg og kostar miðinn 1500 krónur.

Tengdar færslur:

1. gogoyoko kynnir tónleika og forsölu á nýjum plötum kimono og Bloodgroup
2. Hjálmar og gogoyoko
3. Tónleikaserían gogoyoko Live í kvöld
4. gogoyoko gefur miða á Innipúkann
5. Sumargleði gogoyoko