• facebook
  • soundcloud
  • twitter
  • youtube
  • mail

Nýtt lag frá hljómsveitinni Stolið

  • Birt: 10/08/2011
  • Höfundur:
  • Skoðanir: 0

Hljómsveitin Stolið hefur vaknað af löngum dvala og sendir nú frá sér fyrsta lagið í rúman áratug. Lagið heitir “Föllin” og er það forsmekkurinn af breiðskífu sem bandið er nú með í vinnslu. “Föllin” er í anda þess sem Stolið hefur áður gert; gítarrokk með alvarlegum undirtón en þó má greina bjartsýni og trú á mannkynið ef vel er að gáð.

Síðast heyrðist í Stolið þegar hljómsveitin gaf út plötuna Allt tekur enda árið 2000. Af henni hljómaði lagið Stolið nokkuð á útvarpsstöðvum og myndband við lagið sást víða. Stolið starfaði í nokkur ár eftir það, en lagðist síðan í dvala þegar nokkrir meðlima fluttu erlendis. Allir komu þó aftur og enginn þeirra dó. Bandið var endurvakið á síðasta ári og hefur unnið hörðum höndum að nýju efni.

Stolið var stofnuð á sínum tíma þegar hljómsveitin Soma, sem gaf út plötuna Föl árið 1997 og sló í gegn með laginu “Grandi Vogar 2”, hætti störfum. Meðlimir Stolið eru Guðmundur Annas Árnason, söngvari og gítarleikari, Snorri Gunnarsson gítarleikari, Kristinn Jón Arnarson bassaleikari, Jón Gestur Sörtveit trommuleikari og Huldar Freyr Arnarson, hljómborðsleikari og hljóðmaður.

Stolið – Langt

Stolið – Stolið

Stolið mun spila í bakgarði Gallerís Ófeigs, Skólavörðustíg 5, að kvöldi Menningarnætur. Hægt er að fylgjast með Stolið á www.facebook.com/stolidmusic.

Leave a Reply