Rjóminn

Ikea Satan hefur gefið út sína aðra smáskífu á stafrænu formi og ber hún nafnið White Cat Blues. Smáskífan samanstendur af þremur lögum sem tekin voru upp og hljóðblönduð af hljómsveitinni sjálfri á góðri viku í æfingarhúsnæði þeirra. Að lokum var hún hljómjöfnuð heima hjá tónlistarmanninum Arnari Helga Aðalsteinssyni, sem er betur þekktur sem HaZaR í raftónlistarsenunni. HaZaR tók sig einnig til og endurhljómblandaði (remixaði) lagið „Babaramas“ af nýju plötunni og setti það í klúbbaútgáfu. Hægt er að nálgast lagið á fésbókarsíðu hans. Plötuumslag sveitarinnar er málverkið Hvíti kötturinn eftir Jón Sæmund Auðunarson (Dead Skeletons).

Platan White Cat Blues verður fáanleg á uppáhalds síðu hljómsveitarinnar gogoyoko.com og í framhaldi dreift stafrænt af útgáfufyrirtækinu Ching Ching Bling Bling á allar vinalegustu sölusíður netsins.

Tengdar færslur:

1. Ikea Satan
2. Spacevestite gefur út sína fyrstu plötu.
3. Ching Ching Bling Bling kvöld á Airwaves annað kvöld
4. Tarnús jr. gefur út plötuna My God Is Mad
5. Ching Ching Bling Bling