Rjómalagið 1.sept: Håkan Hellström – För en Lång Lång Tid

Besta leiðin til að byrja nýjan mánuð er að hlusta á sænskt indípopp um ástina. Frá því að Håkan Hellström sendi frá sér meistarastykkið Kann Ingen Sorg for Mig Göteborg fyrir 11 árum hefur hann verið óþreytandi í að gefa heiminum hreinræktað indípopp sem hljómar oft á tíðum eins og ef The Smiths og/eða The Cure hefðu verið súperglaðir Svíar (held reyndar að hugtökin „Morrissey“ og „súperglaður“ séu rökleg mótsögn) . „För en Lång Lång Tid“ kom út á fimmtu breiðskífu Hellström, För sent for Edelweiss, árið 2007.