• facebook
  • soundcloud
  • twitter
  • youtube
  • mail

Hljómsveitin 1860 vill komast úr mínus í plús

  • Birt: 20/09/2011
  • Höfundur:
  • Skoðanir: 0

Hljómsveitin 1860 hefur verið nokkuð áberandi síðustu mánuði og gaf meðal annars út plötuna Sagan fyrir stuttu sem hefur fengið mjög góðar viðtökur. Lögin “Snæfellsnes” og “Orðsending að austan” hafa heyrst mikið í útvarpinu og náði “Snæfellsnes” meðal annars öðru sæti á Vinsældarlista Rásar 2 í sumar.

Þar sem hljómsveitin stóð sjálf að útgáfumálum og þurfti að taka til þess smá yfirdrátt hefur hún ákveðið að blása til styrktartónleika undir yfirskriftinni “Yfirdráttinn heim”. Markmiðið með tónleikunum er að kynna plötuna, eiga kósý stund með tónlistaráhugafólki og að liðsmenn 1860 geti borgað síðasta hundrað þúsund kallinn af yfirdrættinum sem þeir lofuðu að borga bankanum fyrir 1. október.

Tónleikarnir verða á fimmtudaginn 22. september á Café Rósenberg og byrja þeir stundvíslega klukkan 22:00. Mun Smári Tarfur að hita upp með sinni alkunnu snilld. Miðaverð er krónur 1000 og verður platan einnig seld á staðnum á kostakjörum.

Leave a Reply