Rokksvetin fornfræga Dead Sea Apple, sem legið hefur í dvala undanfarin ár, er nú farin að láta á sér kræla aftur og mun fagna 20 ára tilvist sinni í ár með plötuútgáfu. Platan sú, sem heita mun Dead Sea Apple III, mun innihalda lög sem tekin voru upp 2001-2002 í Stúdíó 12 hjá RÚV en voru aldrei gefin út. Hér er eflaust á ferð mikil happafengur fyrir íslenska gruggrokkara á besta aldri og hver veit nema sveitin nái að heilla rokkara af yngri kynslóðinni um leið?
Hér að neðan eru tvö lög af umræddri plötu en áhugasamir geta nálgast fleiri lög á Soundcloud síðu Dead Sea Apple.
