Systkynasveitin Klassart hefur ekki setið auðum höndum síðan að þeirra önnur breiðskífa Bréf frá París kom út árið 2010. Ekki hefur mikið farið fyrir sveitinni síðasta misserið en þar á undan var varla friður fyrir henni enda var „Gamli grafreiturinn“ líklega eitt vinsælasta lag ársins 2010.
Nú upp á síðkastið hafa safnast mörg ný lög í sarpinn og leggur hljómsveitin drög að næstu plötu. Eftir tvær plötur í rólegri kantinum vendur hljómsveitin kvæði sínu í kross eins og heyrist í fyrsta laginu sem almúgurinn fær að heyra, „Smástirni“.
Lagið er diskó/eurovision ástarsaga sem gerist í geimnum og fæst það í vefverslunum Tónlist.is og gogoyoko.
