• facebook
  • soundcloud
  • twitter
  • youtube
  • mail

Besta tónlistarmyndbandið 2012

  • Birt: 25/01/2013
  • Höfundur:
  • Skoðanir: 0

Leikstjórar og listmenn geta nú skráð tónlistarmyndbönd sín til þátttöku í Íslensku tónlistarverðlaununum 2012. Í fyrra var tekið upp á því að verðlauna aftur í þessum flokki en með samfélagsmiðlum og ódýrrari tækni hefur það færst mjög í aukana undanfarið að tónlistarmenn láti búa til myndbönd við tónlist sína. Í fyrra sigraði Ingibjörg Birgisdóttir í þessum flokki fyrir myndband sitt við lag Sóleyjar, “Smashed Birds”.

Gjaldgeng til þátttöku eru þau myndbönd við verk íslenskra flytjenda eða flytjenda sem búa og starfa á Íslandi sem lögð eru fram til fagnefndar og voru frumsýnd á tímabilinu (30. nóv 2011 – 15. nóv 2012), óháð upphaflegu útgáfuári tónlistarinnar. Frestur til innsendingar er til hádegis mánudaginn 4. febrúar. Verkunum má skila með hlekk á Youtube og aðrar síður eða með því að nota Dropbox eða síður eins og We Transfer. Netfang Íslensku tónlistarverðlaunanna er iston@iston.is. Athugið að koma upplýsingum á framfæri um leikstjóra, hljómsveit og lag.

Sérstök fagnefnd fer yfir innsend verk en hún er skipuð þeim Guðmundi Oddi Magnússyni (Goddi), Dögg Mósesdóttur og Gunnari Lárusi Hjálmarssyni. Þessi nefnd tilnefnir einnig plötuumslög ársins. Þeir sem ekki hafa skilað inn eintökum af hljómplötum sínum en vilja tryggja að þær verði teknar til greina í flokknum Plötuumslag ársins ættu endilega að koma eintökum (helst þremur) á skrifstofu FÍH, Rauðagerði 27, RVK hið snarasta (merkt Íslensku tónlistarverðlaununum).

Íslensku tónlistarverðlaunin fara fram í Hörpu, miðvikudaginn 20. febrúar 2013.

Leave a Reply