• facebook
  • soundcloud
  • twitter
  • youtube
  • mail

Útidúr gefa út Detour

Útidúr - Detour

Hljómsveitin Útidúr leggur nú lokahönd á nýja plötu sem nefnist Detour og er áætlað að hún komi út 15. apríl næstkomandi.

Sveitin byrjuði að vinna í plötunni fyrir um tveimur árum síðan og ætti því að vera spennandi að heyra útkomuna en margt hefur breyst á þessum tíma, til að mynda mannabreytingar innan sveitarinnar sem skila sér í breyttum hljóm sem er að mörgu leiti rafmagnaðri og líflegri en áður. Detour inniheldur sjö lög og má heyra eitt þeirra, lagið “Vultures”, hér að neðan.

Detour verður gefin út með svokallaðri hópfjármögnun í gegnum vefsíðuna Indiegogo, sem fer þannig fram að hljómsveitin hefur nokkrar vikur til að safna sér inn ákveðinni upphæð sem svo er notuð til að gefa út plötuna. Styrkjendur/kaupendur eru þannig þeir fyrstu til að eignast plötuna og geta jafnframt valið á milli ýmissa óhefðbundinna varninga tengdum henni, til dæmis teikningu frá öllum hljómsveitarmeðlimum eða frumsamið lag tileinkað kaupanda. Hægt er að skoða alla valmöguleika og styrkja útgáfu Detour hér.

Egill er ritstjóri Rjómans, vefhönnuður, bloggari, faðir, hundaeigandi og tónlistar- og fótboltaunnandi. Egill hefur m.a. setið í dómnefnd Kraums Tónlistarsjóðs, fagráði Airwaves og verið álitsgjafi um ýmislegt tengt tónlist og tengdum málefnum.

Leave a Reply