Útgáfutónleikar Deep Jimi á Faktorý
Rokksveitin Deep Jimi & the Zep Creams heldur tónleika í tilefni af útgáfu á fjórðu breiðskífu sveitarinnar Better When We’re Dead sem nú fæst í verslunum. Tónleikarnir verða haldnir á Faktorý við Smiðjustíg á fimmtudagskvöld og hefjast tónleikarnir klukkan 23:00.
Hljómsveitin sem var stofnuð fyrir hartnær tuttugu árum og hefur hún verið mis afkastamikil í gegnum tíðina. Eftir hana liggja nú fjórar breiðskífur og tvær smáskífur. Deep Jimi hefur alltaf sótt mikið í sarp sjöunda áratugarins, sérstaklega hipparokks í þyngri kantinum. Á nýjustu afurð sveitarinnar er ekki um neina kúvendingu að ræða en aðspurðir segjast piltarnir hafa reynt að vanda sig meira en oft áður bæði hvað varðar lagasmíðar og hljómgæði. Þorvaldur Bjarni sér um upptökur og útsetningar og má heyra þess glögg merki í góðum hljómi skífunnar.
Húsið opnar kl. 22:30 og byrja tónleikarnir stundvíslega kl. 23:00. Aðgangseyrir er 1.500 kr.
Meðfylgjandi eru tvö tóndæmi af samnefndri síðustu plötu sveitarinnar
Deep Jimi & the Zep Creams – He Puts It In You And You’re All His
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Deep Jimi & the Zep Creams – Raging Bull
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Nýsækadelikusveitin Dungen er eitt af merkilegri tónlistarfyrirbærum sem Svíþjóð hefur alið af sér. Sveitin, sem leidd er af undrabarninu Gustav Ejstes (sem semur öll lögin, syngur og spilar á flest öll hljóðfærin inn á plötur Dungen) hlaut fyrst athygli utan heimalandsins árið 2004 þegar fjórða plata hennar, Ta De Lungt, kom út. Í kjölfarið leiddi Dungen nokkrar tónleikaferðir um Bandaríkin og kom m.a. fram í þætti Conan O’Brien. Sem er í raun afar merkilegt þegar tekið er tillit til þess að öll lög sveitarinnar eru sungin á sænsku og tónlistin hvorki nútímaleg né sérstaklega aðgengileg.
Þá er haustið loksins hafið af alvöru og eins og lög gera ráð fyrir fylgir þungum hrammi þess aukið stress. Leti og léttvægi sumarsins víkur fyrir kröfum um aukin afköst nú þegar yfirmenn og kúnnar taka að tínast aftur til vinnu eftir sumarfrí. Þetta þýðir einnig að minni tími gefst til að sinna tónlistarbloggi sem unnið er af einskærri hugsjón. En maður reynir þó. Hér eru allavega nokkur vel valin lög til þess að lífga upp á þennan þriðjudagsmorgun.
Miðvikudagskvöldið 8. september ætlar Skúli Mennski og hljómsveitin Grjót að halda tónleika ásamt hljómsveitinni Munaðarleysingjarnir á Faktorý.
Eitt vinsælasta athæfið meðal tónlistarunnenda þessa dagana, þá sérstaklega á Facebook, er að búa til lista með yfirskriftinni “15 plötur á 15 mínútum”. Ritstjóri ákvað að misnota stöðu sína og taka þátt í fjörinu og þá auðvitað með tilheyrandi tóndæmum eins og Rjómans er von og vísa.
Nýlegar Athugasemdir