Woodsist

Plötur hins öfga lo-fi, indí útgáfufélags Woodsist nutu töluverða vinsælda á meðal tónspekúlanta á síðastu tveimur árum. Mætti þar helst nefna Wavves, Kurt Vile og Real Estate. Þetta árið er Woodsist með þónokkrar plötur í bígerð en spenntastur er ég fyrir væntalegri breiðskífu Woods og frumburði sveitarinnar White Fence.

Woods, eigendur Woodsist, gáfu út frábæra plötu í fyrra, Songs of Shame, sem endaði á ansi mörgum árslistum 2009 – og þar á meðal  í 18. – 21. sæti á árslista Rjómans. Nýja skífan mun bera nafnið At Echo Lake og kemur út í maí. Af eina hljóðdæminu sem lekið hefur af plötunni má heyra að Woods eru að feta sama slóða og á síðustu plötu: sérstaklega sérviskuleg blanda af kántrímúsík og lo-fi indírokki.

Woods – I Was Gone (af At Echo Lake)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Woods – Military Madness (af Songs og Shame)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

White Fence er hugarfóstur Tims nokkurs Presley og er bandið gert út frá San Francisco. Á ferð sinni flækist White Fence um hinar og þessar períódur tónlistarsögunnar: heimsækir Syd Barret-tímabil Pink Floyd, bresku pönksenuna, bandarískt sýrurokki frá sjöunda áratuginum og þýska klámmynda tónlist – svo eitthvað sé nefnt. Platan mun bera sama nafn og bandið sjálft og kemur út í apríl.

White Fence – The Love Between (af White Fence)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

White Fence – Destroy Everything (af White Fence)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Bob gefa okkur plötu

Hin alíslenska skógláps-rokksveit Bob hefur ákveðið að gefa tónþyrstum hina stórgóðu frumraun sína á síðunni Jamendo.com – alveg frítt! Platan ber nafnið dodbobqoqpop og kom út eftir langa bið árið 2006. Fátt annað að segja en: nýtið ykkur tækifærið, sækið plötuna hérna, styrkið Bob og njótið vel og lengi.

Bob -Behold or Be Old

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Rómantískur Jim

Jim James, forsprakki My Morning Jacket, hélt á Valentínusardag afar rómantíska tónleika í heimbæ sínum, Louisville. Þar lék hann ný lög í bland við gömul og spilaði nokkrar ábreiður (t.d. Buddy Holly) – allt í órafmögnuðum útgáfum. Fæstir voru nú svo heppnir að fá tækifæri til að hlýða á kappann þetta kvöldið en einhver snillingur hafði fyrir því að taka tónleikana upp og setja þá inn á netið. Hægt er að hlusta á tónleikana í heild hérna í þokkalega góðum gæðum. Afar notalegt í vetrar stemningunni sem nú ríkir á íslandi.

Jim James – Bermunda Highway (acoustic & live)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Jim James – It Beats 4 U (acoustic & live)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Það besta árin 2000-2009?

Í desember gerði vefsíðan Metacritic upp fyrsta áratug þessarar aldar í nokkrum ansi skemmtilegum topplistum. Þar kemur meðal annars fram að strákarnir okkar í Sigur Rós eru 2. besta hljómsveit áratugarins samkvæmt gangrýnendum. Þeir fylgja á eftir amerísku indírokkurunum í Spoon sem hljóta þar af leiðandi titilinn ‘Besta sveit áratugarins’. Bronsið hreppir svo Super Furry Animals. Þar að auki eru teknir saman listar yfir bestu listamennina eftir tónlistastefnum. Til að mynda er Outkast valin besta hiphop-bandið, Four Tet besti raftónlistarmaðurinn og Bob Dylan besti ’singer-songwriter’.

Einnig er farið út í stök verk og hreppir Brian Wilson titilinn ‘Besta plata áratugarins’ fyrir Smile. Besti frumburður tónlistamans þykir vera Boy In Da Corner eftir Dizzee Rascal. Elephant eftir White Stripes þykir besta indí-plata þessara 10 ára og Stankonia þeirra Outkast-liða sú besta í flokki hiphops.

Einna áhugaverðastur þykir mér þó listinn yfir þá tónlistamenn sem dala hvað mest með árunum. The Dandy Warhols trjóna þar á toppnum, Badly Drawn Boy lendir í fjórða sæti og The Strokes í því fimmta. Ég get nú alveg verið sammála þessu: öll þrjú böndin eiga frábæra skífu árin 2000 og 2001 en svo versna plöturnar bara og versna.

Fyrir áhugasama þá má sjá listann í heild hérna.

Jájájá

Á Lexington-klúbbnum í Lundúnum hafur verið haldin mánaðarleg tónleikaveisla sem ber nafnið Jajaja. Tónleikaröðin einblínir á upprennandi, norræna tónlistarmenn sem ýmsir stórfiskar í bresku tónlistarpressunni fá til þess að spila. Fjögur íslensk nöfn hafa nú þegar tekið þátt en það eru Sudden Weather Change, Kira Kira, Bloodgroup og Leaves. Jajaja-liðar hafa svo sett inn viðtöl og tónleikaupptökur á YouTube-rás sína til að gefa þeim sem ekki komast smjörþefinn af herlegheitunum. Sjáum hvað þau hafa að segja:

Jajaja #2 : Kira Kira, I Was a King, TV Off.

Jajaja #2 : Bloodgroup, Sofia Talvik, Harry’s Gym.

Jajaja #3 : Leaves, Sudden Weather Change, Simon Say No.

Af Animal Collective

Sýrupopparnir í Animal Collective frumsýndu á Sundance kvikmyndahátíðinni verkið ODDSAC. ODDSAC er sumsé sjónræn plata, eins og fjórmenningarnir orða það, og hefur verið í vinnslu í um fjögur ár. Danny nokkur Perez sér um myndefnið en hann hefur áður leikstýrt nokkrum myndböndum fyrir bandið. Hljóðrásinni úr myndinni hefur verið leikið á netið og getur undirritaður staðfest að um er að ræða vel súrt og sækadelískt ferðalag. Við íslendingar fáum nú sennilea ekki tækifæri til að sjá myndina (eða réttara sagt plötuna) á hvítu tjaldi en stefnt er að DVD-útgáfu í júní.

Stikla fyrir ODDSAC

Laginu hér að neðan verð ég svo að skjóta að. Það er tekið á nýútkominni breiðskífu hins þýska Pantha du Prince. Platan heitir Black Noise og kom út á vegum Rough Trade í dag, 8. febrúar. Það er þó ekki frásögu færandi nema fyrir það að hér mætir Animal Collective-meðlimurinn Panda Bear og leikur gestahlutverk.

Pantha du Prince feat. Panda Bear – Stick to My Side

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Miri endurhljóðblandaðir

Austfirski rokk-kvarettinn Miri vinnur nú hörðum höndum að fyrstu breiðskífu sinni sem væntanleg er á vegum Kimi Records í apríl. Til að stytta tónþyrstum íslendingum biðana ætla þeir að gefa út remix-skífu. Á henni má heyra marga af uppáhalds íslenskum tónlistamönnum hljómsveitarinnar endurhljóðblanda lögin þeirra. Platan verður fáanlega á miðnætti þann 7. febrúar á heimasíðu Kimi Records og kostar heilar 0 kr.

Rjóminn mælir svo auðvitað með að fólk skelli sér á Karamba á laugardagskvöldið 6. febrúar til þess að fagna útgáfunni með Miri-mönnum og pródúsernum þeirra, Curver. Rétt eins og platan þá verður aðgangur fríkeypis.

Ný LP frá Four Tet

Loksins, loksins! segi ég. Nú eru liðin heil fimm ár síðan Everything Ecstatic kom út, síðasta breiðskífa Four Tet, og biðin eftir nýrri plötu hefur verið mér ansi erfið. Það er þó ekki eins og Kieran Hebden, maðurinn á bak við Four Tet grímuna, hafi setið auðum höndum í öll þessi ár.  Hann hefur starfað töluvert með jazz-trommaranum Steve Reid, gefið út breiðskífu með hljómsveit sinni Fridge, mallað EP-plötu með Burial og endurhljóðblandað heilan haug af lögum. En raunin er sú að útgáfur undir listamannsnafninu Four Tet hafa ávallt verið þær safaríkustu.

Breiðskífan er væntanleg í búðir þann 25. janúar og ber hið ljúfa nafn There Is Love In You. Eins og útgáfur Four Tet á síðasta áratuginum þá kemur þessi út á vegum Domino Records og koverið prýðir mjög svo litrík mynd. Síngúllinn, “Love Cry”, kom út á dögunum í takmörkuðu upplagi og það er spurning um að við tökum bara forskot á sæluna. Og gerum kannski gott betur en það . . .

Four Tet – Love Cry (af There Is Love In You)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Four Tet – Sing (af There Is Love In You)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Four Tet & Burial – Moth (af Moth/Wolf Cub)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.