Ólafur Arnalds í Havarí

Havarí kynnir Ólaf Arnalds næstan á svið – laugardaginn 4. september klukkan 16.00.

Ólaf hefur oft borið á góma í Havarí í sumar og hafa tónar hans ómað ótt og títt út um hátalarakerfið. Mest hefur nýja platan hans “… and they have escaped the weight of darkness“, sem kom út í apríl, verið spiluð. Ólafur á stóran og stæðilegan aðdáendahóp sem tók mikinn vaxtarkipp eftir að hann túraði með Sigur Rós 2008. Það er enn á huldu hverjir spila með Ólafi á laugardaginn en eina sem vitað er  er að húsráðendur þurfa að redda honum sex stólum.

Ólafur Arnalds – Ljósið (Official Music Video) from Erased Tapes on Vimeo.

Ólafur Arnalds – Þú Ert Sólin

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Ókindin snýr aftur

Laugardaginn 4. september verður rokksveitin Ókind særð upp úr gröfinni til að leika í eina kvöldstund á Faktorý. Húsið mun opna kl. 22:00. Söngvaskáldið Jón Þór (Lödu Sport, Dynamo Fog) sér um upphitun og hefur leik kl. 23:00. Það verður ókeypis inn og platan Hvar í Hvergilandi til sölu á hlægilegu verði.

Ókind spratt fullsköpuð fram árið 2002 – út úr daunillu hesthúsi á Heimsenda og beint í annað sæti Músíktilrauna. Á næstu fjórum árum gaf hún út plöturnar Heimsenda 18 og Hvar í Hvergilandi, sem báðar hlutu náð fyrir augum og eyrum gagnrýnenda. Haustið 2006 tilkynnti Ókind að nú væri þetta orðið gott í bili. Svo þagnaði hún í fjögur ár.

Meðlimirnir hafa flestir verið viðloðandi tónlist síðan: Gítarleikarinn Ingi Einar er tónleikaljósamaður, bassaleikarinn Birgir Örn upptökustjóri, og söngvarinn og hljómborðsleikarinn Steingrímur hefur m.a. starfað í hljómsveitunum Moses Hightower, Ojba Rasta og Stórsveit Samúels J. Samúelssonar. Trommarinn Ólafur Freyr er lögmaður sem hlustar gjarnan á góða tónlist um helgar.

Ókind er ekki byrjuð aftur. Hér er bara um einnar nætur gaman að ræða. Tveimur dögum eftir tónleikana flytur Ingi Einar til London ásamt unnustu sinni og verður þar lengi, lengi. Kannski kemur hljómsveitin saman aftur seinna. Kannski ekki.

Ókind – Ó Ég

Draumhvörf, Mikado og Two Tickets á Faktorý

Hljómsveitirnar Draumhvörf, Mikado og Two Tickets to Japan halda tónleika á Faktorý fimmtudagskvöldið 2. september. Húsið opnar kl. 21 og hefjast tónleikar byrja kl. 22 (stundvíslega). Frítt inn!

Allar spila þessar sveitir frammúrstefnulegt rokk ýmist undir áhrifum frá post-rokki, jazzi, psychedelicu, latin og metal. Allar leggja þær mikinn metnað í flóknar en flottar laga- og textasmíðar og grípandi og límkenndum laglínum. Hafa sveitirnar tekið þátt í mörgum af helstu tónlistarviðburðum hérlendis auk þess að skipuleggja sjálfar marga viðburði og uppákomur.

Draumhvörf – Sinking Ships

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

20 ára Afmælishátíð Party Zone

20 ára afmælishátíð Party Zone, dansþáttar þjóðarinnar, verður haldin á Nasa, laugardagskvöldið 4.sept. Miðaverð:  2500 kr.  Forsala á www.midi.is (forsölumiðar á 2000 kr í takmörkuðu magni).

Fram koma:

GUS GUS (live)
RHYTHM DOCTOR (UK) - sérstök endurkoma
MARGEIR & ÁRNI E með sérstakt PZ 20 viðhafnarsett
HUMAN WOMAN (live)
CASANOVA – classic deep set
…ásamt óvæntum og væntum gestum.

Efri hæð í veglegu forpartýi:

CAPTAIN FUFANU (live)
FRÍMANN & HENDRIK með classic techno/trans sett
JÓNFRI og gestir með PZ 2000+
MÁR & NIELSEN
o.fl gamlar hetjur sem auglýstar verða þegar nær dregur

Kurt Maloo – Afterglow (Frisvold & Lindbæk Mix)

Chromeo – Don’t Turn The Lights On (Aeroplane Remix)

Mark Ronson & The Business INTL – Bang Bang Bang (U-Tern’s Disco Dub)

Melchior – <1980

Þann 1. september gefur hljómsveitin Melchior út tvöfalda hljómdiskinn <1980. Um er að ræða endurútgáfu á vínilplötunum Silfurgrænu ilmvatni og Balapoppi, en öll lög þeirra platna voru tekin upp fyrir árið 1980. Sérstaklega má minnast lagsins Alan, sem naut verulegra vinsælda. Þá mun hljómsveitin halda útgáfutónleika á Café Rósenberg, 2. september, 2010, þar sem lög af plötunum verða leikin.

Hljómsveitin Melchior er skipuð þeim Hilmari Oddssyni, Hróðmari I Sigurbjörnssyni og Karli Roth, en þeir félagar syngja og leika á gítara og hljómborð. Gunnar Hrafnsson leikur á bassa og Steingrímur Guðmundsson á trommur. Kristín Jóhannsdóttir er söngkona sveitarinnar.

Á tónleikunum á fimmtudaginn leika með sveitinni Margrét Kristjánsdóttir fiðluleikari, Ari Hróðmarsson á básúnu og Ragnhildur Gunnarsdóttir á trompett.

Sérstakur gestur á tónleikunum verður Helga Möller, en þess má til gamans geta að Helga kom fyrst fram á hljómplötu með hljómsveitinni Melchior, þá sextán ára gömul.

Melchior – Alan

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Miðar á Airwaves seljast eins og heitar lummur!

Miðasala á Iceland Airwaves 2010 hefur gengið með afbrigðum vel og nú eru um 3500 miðar seldir á hátíðina. Tilboðið „Early Bird “ hefur slegið í gegn og aldrei hafa fleiri miðar selst svo snemma í forsölu.

Þann 1. september næstkomandi hækkar miðaverð í 14.900 krónur en enn má gera kostakaup og fá miða á 13.500 krónur eða á 9.900 krónur með því að vera meðlimur í Vildarklúbbi Icelandair. Þess ber að geta að aðeins eru um 1500 miðar óseldir á hátíðina sem fram fer 13. – 17. október.

Oh No Ono – Swim

Í vikunni verður tilkynnt um fleiri listamenn sem koma fram á Airwaves í ár, bæði innlenda og erlenda en þegar hafa yfir 200 atriði verið bókuð og þar af eru 70 erlendir listamenn og hljómsveitir. Allt stefnir í óvenju glæsilega hátíð í ár sem engir alvöru tónlistarunnendur ættu að láta fram hjá sér fara.

Kaupa miða: http://midi.is/tonleikar/1/5986

Ný heimasíða hátíðarinnar: http://www.icelandairwaves.is

Facebook: http://www.facebook.com/icelandairwavesfestival

Twitter: http://twitter.com/icelandairwaves

Melodica Acoustic Festival í Reykjavík helgina

Tónlistarhátíðin Melodica Acoustic Festival verður haldin í fimmta skipti í Reykjavík helgina 27. til 29. ágúst næstkomandi. Í þetta skipti verða um 50 atriði á hátíðinni og þar af þrír alþjóðlegir listamenn.

Meðal nýjunga í ár eru akústískir tónleikar hljómsveita sem hingað til hafa verið þekktari fyrir rafmagnaðri uppákomur. M.a. má þar telja Morðingjana, Ultra Mega Techno Bandið Stefán, Sykur og Bloodgroup.

Önnur nýjung er lagasmíðavinnustofa Melodica Festivalsins. En fjórir listamenn, þau Jona Byron, Halla Norðfjörð, Daníel Jón Jónsson og Jóhann Kristinsson, dvelja nú á Hótel Djúpavík þar sem þau semja saman lög í tvo daga. Munu þau kynna afurðirnar á föstudagskvöldið á Café Rósenberg.

Melodica fer þannig fram í ár að á föstudag og laugardag hefst dagskráin kl. 16.00 á Hemma og Valda og stendur þar til kl. 22.30. Dagskráin á Rósenberg hefst hins vegar Kl. 21.00 og stendur til 01:00 Á sunnudag verður síðan slakað á í Slippsalnum við Mýrargötu 2 frá kl. 18-23. Þar munu þó nokkrir góðir tónlistarmenn taka í hljóðfæri og syngja.

Ókeypis er á alla viðburði hátíðarinnar, en frjáls framlög eru svo sannarlega vel þegin til að vinna á móti allnokkrum kostnaði sem hlýst af því að halda slíka hátíð.

Meðal þeirra listamann sem fram koma á hátíðinni eru (auk fjölda annara):

Jona Byron (AUS)
Mal Skene (UK)
Snorri Helgason
Daníel Bergmann
Sing for me Sandra
Lame Dudes
Diversion Sessions
Svavar Knútur
Bloodgroup
Misery loves company
For a minor Reflection
Myrra Rós
Blæti
Morðingjarnir
Sykur
Halla Norðfjörð
Steingrímur Teague
Siggi UMTB

Hrafnaþing by myrra_ros

For a Minor Reflection – Kastljós by RecordRecords

Bloodgroup – Overload by RecordRecords

Sing For Me Sandra – Time will Tell (demo) by RecordRecords

Sykur – Bite me by RecordRecords

Akureyri hitar upp fyrir Airwaves

Í tilefni af tólftu Iceland Airwaves hátíðinni og Akureyrarvöku er blásið til tónlistarveislu á Akureyri, laugardagskvöldið 28. ágúst. Á tónleikunum sem verða haldnir á Græna hattinum koma fram Bloodgroup, sem á rætur að rekja til Egilsstaða, Endless Dark, frá Ólafsvík og Grundarfirði ,og akureyrsku böndin Sjálfsprottin spévísi og Buxnaskjónar. Húsið opnar kl. 22.00 og er aðgangur ókeypis.

Tónlistarveislan er liður í því markmiði Iceland Airwaves að efla tengsl hátíðarinnar við bæði hljómsveitir og tónleikagesti af landsbyggðinni.

Bloodgroup – My Arms

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Útgáfutónleikar Miri í Reykjavík

Útgáfutónleikar Miri í Reykjavík munu fara fram í Þjóðmenningarhúsinu við Hverfisgötu föstudaginn 27. ágúst en þetta verða aðrir útgáfutónleikar hljómsveitarinnar í tilefni útgáfu þeirrar á breiðskífunni Okkar. Þeir fyrri fóru fram á Seyðisfirði þar sem fólk á öllum aldri fyllti húsakynni Herðubreiðar.

Ásamt Miri munu stíga á stokk Bergur Ebbi Benediktsson, Snorri Helgason og Loji Höskuldsson. Munu þeir allir gefa tóninn hver á sinn hátt áður en Miri eignar sér sviðið en á þessum tónleikum mun upptökustjórinn sjálfur, Curver Thoroddsen, koma fram með hljómsveitinni ásamt fleiri gestaleikurum.

Eru þetta síðustu tónleikar Miri í bili en Ívar Pétur Kjartansson trommuleikari sveitarinnar mun halda til Danmerkur í upphafi september. Það er einlæg von sveitarinnar að sem flestir muni sjá sér fært um að mæta og fagna með þeim þessum áfanga. Miðaverði er stillt í hóf og verður einungis 1500. ísl. kr og opnar húsið kl. 21:00.

Miri – Sumarið 2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Miri – Góða Konan

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Swords of Chaos eru að koma!

Fyrsta breiðskífa Swords of Chaos er nú loks tilbúin til útgáfu og mun koma út 3. september næstkomandi. Platan verður hinsvegar fáanleg í forsölu hjá Gogoyoko frá og með miðvikudeginum 25. ágúst.

The End is Near as Your Teeth heitir gripurinn og kemur út á jaðarútgáfufélaginu Kimi Records. Breiðskífan inniheldur 11 lög eftir þá Albert Finnbogason (gítar), Ragnar Jón Hrólfsson (trommur), Úlf Alexander Einarsson (söngur) og Úlf Hansson (bassi). Hljómsveitin hefur unnið að plötunni undanfarin tvö ár og fyrst núna í sumar urðu allir aðilar ásáttir um að ekki yrði gert betur. Meðal þeirra sem leggja þeim lið á plötunni er tónlistarkonan Kira Kira og sex manna brasssveit.

Um upptökur sá Friðrik Helgason, Aron Arnarsson sá um hljóðblöndun og Helmut Elrer hljómjafnaði. Umslagshönnun var í höndum Söru Riel og Svavar Pétur Eysteinsson sá um uppsetningu.

Í tilefni af forsölu þá ætlar hljómsveitin að halda for-útgáfutónleika og hlustunarteiti á Venue miðvikudaginn 25. ágúst kl. 21. Raunverulegir útgáfutónleikar verða hinsvegar haldnir 24. september á Faktorý og verða þeir auglýstir betur síðar.

Swords of Chaos – Nashkel Mines

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.