Melchior – <1980
Þann 1. september gefur hljómsveitin Melchior út tvöfalda hljómdiskinn <1980. Um er að ræða endurútgáfu á vínilplötunum Silfurgrænu ilmvatni og Balapoppi, en öll lög þeirra platna voru tekin upp fyrir árið 1980. Sérstaklega má minnast lagsins Alan, sem naut verulegra vinsælda. Þá mun hljómsveitin halda útgáfutónleika á Café Rósenberg, 2. september, 2010, þar sem lög af plötunum verða leikin.
Hljómsveitin Melchior er skipuð þeim Hilmari Oddssyni, Hróðmari I Sigurbjörnssyni og Karli Roth, en þeir félagar syngja og leika á gítara og hljómborð. Gunnar Hrafnsson leikur á bassa og Steingrímur Guðmundsson á trommur. Kristín Jóhannsdóttir er söngkona sveitarinnar.
Á tónleikunum á fimmtudaginn leika með sveitinni Margrét Kristjánsdóttir fiðluleikari, Ari Hróðmarsson á básúnu og Ragnhildur Gunnarsdóttir á trompett.
Sérstakur gestur á tónleikunum verður Helga Möller, en þess má til gamans geta að Helga kom fyrst fram á hljómplötu með hljómsveitinni Melchior, þá sextán ára gömul.
Melchior – Alan
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Í dag eru 100 ár liðin frá útkomu fyrstu íslensku hljómplötunnar með íslensku sönglagi en það var “Dalvísur” með Pétri A. Jónssyni. Að því tilefni verður slegið upp veglegri dagsskrá í Norræna húsinu auk þess sem söguleg sýning á íslensku hljómplötunni verður í anddyri og stendur frá 23. – 27. ágúst.
Það er nú ekki oft sem maður heyrir bæði frumlegar og skemmtilegar þekjur nú til dags. Oftast eru það froðu- og vinsældalista-popparar sem, með afar misjöfnum árangri, grafa upp gamla smelli í örvæntingafullri tilraun til að viðhalda brothættum vinsældum sínum. Þegar súrir indiepopparar, sem engu hafa að tapa, taka sig hinsvegar til og framkvæma andlitlyftingu á gömlum smellum er sagan önnur.
The Authorities er hljómsveit frá Stockton í Kaliforníu. Þeir voru hluti af fyrstu bandarísku pönkbylgjunni og spiluðu með hljómsveitum á borð við Black Flag, Dead Kennedys og Circle Jerks. Þeir komust nýlega í sviðsljósið að nýju þegar hljómsveitin Pavement fékk þá til að spila á All Tomorrows Parties tónlistarhátíðinni.
Þá er rokkgoðið Ronnie James Dio allur eftir að hafa háð baráttu við krabbamein í maga undanfarna mánuði. Ég verð að játa að ég var aldrei sérstakur aðdáandi þó ég hafi nú verið svo frægur að sjá kallinn á sviði með Black Sabbath hérna um árið. Það merkilegasta sem mér finnst Dio hafa lagt til rokksögunnar er að hafa verið maðurinn sem gerði hið svokallaða “djöflamerki” vinsælt en hann er almennt talinn upphafsmaður þess að nota þetta fingramerki í tengslum við rokk og ról.
eru almenningi löngu að góðu kunnir fyrir geðþekkar lagasmíðar sínar og líflega sviðsframkomu. Þeir eru upphaflega úr Kópavogi en nýlega hefur þeim bæst liðsauki úr Mosfellsbæ, sjálfur Guðmundur Gunnarsson stórtrommari úr Tappa Tíkarras, Das Kapital og fleiri hljómsveitum. Hljómsveitin mun kynna nýtt efni af væntanlegri plötu auk þess sem gömlu lögin verða rifjuð upp..
Alltaf er maður að grúska eitthvað. Fann um daginn eitt gamalt og gott kennt við hið vafasama 80′s tímabil sem mér finnst vera alger gullmoli. Þetta er einn af þessum gleymdu “one hit wonder” lögum sem nauðsynlegt er að draga fram í dagsljósið.
Nýlegar Athugasemdir