Blip.fm

Mig langaði bara að minna ykkur enn og aftur á hinn magnaða tónlistarvef Blip.fm en vefurinn sá er tilvalinn bæði fyrir þá sem vilja láta ljós sitt skína og einnig þá sem vilja kynnast nýrri tónlist. Ég mæli eindregið með að tónlistaráhugamenn kynnis sér þennan vef og leyfi okkur svo vonandi að heyra hvaða tónlist er í uppáhaldi hjá þeim. Hér fyrir neðan eru 20 síðustu lögin sem ég setti í spilun á Blip.fm og gaman væri að sjá og heyra samskonar lista hjá ykkur lesendur góðir.

Blip.fm

Öðru hverju skjóta upp kollinum tónlistar- og tengslanet á Netinu sem enginn þykir maður með mönnum nema eiga þar prófíl. Nýjasta æðið er Blip.fm þar sem fólki gefst kostur á að gerast sinn eiginn DJ eða jafnvel sín eigin útvarpsstöð, allt eftir því hvernig á það er litið. Sjálfur játar undirritaður að vera gjörsamlega heltekinn af þessum tónlistarvef og “blippar” þar eins og hann eigi lífið að leysa.

Segja má að Blip.fm sé eins og afkvæmi Twitter og einhverra þeirra fjölmörgu notendastjórnuðu netútvarpsstöðva sem í boði eru. Það sem gerir Blip.fm hinsvegar svo áhugavert er hin samfélagslega tenging sem innbyggð er í kerfið. Sem notandi getur þú hlustað á aðra, bætt þeim við vinalista, gefið þeim “props” og svo auðvitað eignast eigin aðdáendahóp. Þú getur einnig látið Blip.fm uppfæra bæði Last.fm og Twitter síðurnar þínar fyrir þig og þannig deilt með sem flestum þinni uppáhalds tónlist.

Að sjálfsögðu er einnig boðið uppá “widget” sem hægt er að setja á blogg- eða vefsíður þar sem spila má alla þá tónlist sem þú “blippar” á Blip.fm

Ég vona að ég sjái sem flest ykkar þarna og hlakka til að kynnast ykkur í gegnum sameiginlegt áhugamál okkar tónlistina.

www.blip.fm