Ítrekun frá Mugison

Seint í Janúar síðastliðnum fór Mugison ásamt félugum til hans Bigga í Sundlauginni og tók upp nokkur lög sem breyst höfðu mikið í meðförum hljómsveitarinnar á ferðalögum hennar um allan heim og geim. Úr varð platan Ítrekun og mun hún birtast í öllum betri plötubúðum eftir u.þ.b. tvær vikur eða svo.

Á plötunni má heyra spánýjar útgáfur af smellum eins og “Murr Murr”, “Poke a Pal”, “The Pathetic Anthem”, “Jesus is a Good Name to Moan” og “I Want You”. Það verður að segjast eins og er að útkoman er afar athyglisverð og er frábær vitnisburður um fjölhæfni þess merka tónlistarmanns sem Mugison hefur að geyma.

Það eru þeir Addi (trommur), Guðni (bassi), Davíð Þór (hvítar/svartar nótur) og Pétur Ben (gítar/rödd) sem skipa sveitina ásamt Mugison.

Hér eru svo tvö tóndæmi af væntanlegri plötu meistarans.

Mugison – Murr Murr

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Mugison – I Want You

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Lily Allen fer til Doctor Rosen

Nýjasta plata Lily Allen, It’s Not Me, It’s You, var nýlega remixuð af L.A. upptökustjóranum Doctor Rosen Rosen og gefin frjáls til niðurhals á vef kappans. Doctor Rosen notaðist eingöngu við söng Lily Allen af upprunalegu efni en bætti öllu undirspili við sjálfur og bjó þar með til algerlega nýja plötu.

Plötuna góðu má nálgast hér á vef Doctor Rosen Rosen.

Tónleikar í kvöld

Stóri músíkdagurinn var í fyrsta skipti haldinn í Reykjavík í dag og er af því tilefni blásið til risatónleika á Café Rósenberg í kvöld. Það eru Alliance Française í Reykjavík, Franska sendiráðið, Höfuðborgarstofa, Rás 2 og Grapevine sem standa að deginum og verða tónleikarnir með frönsku sniði, en allar hljómsveitirnar fengu það verkefni að taka lag eftir franska snillinginn Serge Gainsbourg í eigin búning og verður eflaust fróðlegt að heyra hvernig þeim tekst til!

Fram koma Retro Stefson, Sprengjuhöllin, Ólöf Arnalds, Hraun og Rökkurró.

Tónleikarnir hefjast kl. 21:00 og er frítt inn.

Fyrir fýlupúkana sem heima sitja gæti verið gaman að hafa kveikt á Rás 2 á meðan á tónleikunum stendur, en þeim verður varpað beint. Við hvetjum þó að sjálfsögðu sem flesta til að mæta!

Stereogum breiðir yfir Björk

Vefmiðillinn Stereogum stóð nýverið fyrir útgáfu plötunnar Enjoyed á síðu sinni. Þetta er einskonar endurútgáfa á Post, annarri breiðskífu Bjarkar. Það er þó ekki Björk sjálf sem flytur lögin heldur urmull vel þekktra tónlistamanna sem breiða yfir tónlistina og má því vel tala um “endurgerð”. Liars taka lagið “Army of Me”, Dirty Projectors taka “Hyperballad” og Ed Droste úr Grizzly Bear tekur “Possibly Maybe”. Aðrir listamenn sem nefna mætti eru Xiu Xiu, Atlas Sound og No Age.

Platan er ekki gefin út í gróðaskyni heldur af virðingu við lagasmíðar Bjarkar og hægt er að sækja plötuna hér niðurþjappaða í .zip-skjal.

Liars – Army of Me

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Með annan fótinn í gröfinni

Margir þeirra sem fylgst hafa með Beck frá því í árdaga hugsa hlýlega til plötunnar One Foot In The Grave, sem var ein af þeim fjölmörgu plötum sem kappinn sendi frá sér árið 1994, en platan lítur nú aftur dagsins ljós í endurbættri og aukinni útgáfu. Beck var í miklu stuði á þessum tíma og sló í gegn með hittaranum “Loser” af Mellow Gold en var á sama tíma að gefa út eitt og annað efni hjá litlum óháðum útgáfufyrirtækjum. Það var eðalútgáfan K Records sem gaf út One Foot In The Grave á sínum tíma en eigandi útgáfunnar Calvin Johnson (úr Beat Happening, The Halo Benders, Dub Narcotic Sound System) tekur einmitt nokkur lög á plötunni með Beck.

Beck – I Get Lonesome (ásamt Calvin Johnson)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Á One Foot In The Grave hvílir Beck trommuheila og hljóðgervla en á plötunni má heyra glöggt áhrif bandarískrar þjóðlagahefðar á tónlist hans. Eins og áður segir var platan að koma út aftur og fylgja 16 aukalög með sem allflest hafa aldrei heyrst áður. Skífan er því orðin 32 laga og nauðsynlegur gripur í safn Beck aðdáenda – hvort sem þeir vilja endurnýja kynnin af plötunni eða koma ferskir að. Fræðast má meira um útgáfuna og panta sér heljarmikla viðhafnarútgáfu með ýmsu stöffi á beck.com.

Beck – Teenage Wastebasket (áður óútgefið)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Radiohead endurútgefin

Aðdáendur Radiohead hafa ástæðu til að fagna þessa dagana því næsta mánudag, 23. mars, verða fyrstu þrjár plötur sveitarinnar endurútgefnar og vel hlaðnar aukaefni. Pablo Honey, The Bends og OK Computer koma sem sagt hver út á tveimur diskum sem auk upprunalegu platnanna innihalda heil ósköp af b-hliðum, tónleikaupptökum, demóum og endurhljóðblöndunum. Þeir sem vilja gera vel við sig geta svo fjárfest í “special collectors edition” af plötunum sem innihalda DVD diska með myndböndum og tónleikaupptökum – það gerist varla betra!

Endurútgáfurnar verða vafalaust fáanlegar hér á landi innan skamms en þeir allra æstustu geta t.d. pantað þær fyrirfram á amazon á fínu verði.