The Fall með nýja plötu
Rokksveitin ódrepandi The Fall gefur út nýja plötu í næsta mánuði sem heita mun Our Future Your Clutter og er sú fyrsta sem sveitin gefur út hjá Domino útgáfunni. Þetta er þó 28. breiðskífa hljómsveitarinnar og samkvæmt heimasíðu þeirra hafa The Fall gefið út 40 safnplötur og 35 tónleikaplötur svo það má segja að sveitin sé með þeim útgáfuglaðari. Það er að sjálfsögðu sjálfur Mark E. Smith sem stjórnar The Fall með harðri hendi, líkt og undanfarin 33 ár, og skiptir hann oftar um hljóðfæraleikara en nærbuxur. Þó að enn sé langt í útgáfudag Our Future Your Clutter hefur platan lekið á netið og við fyrstu hlustanir er nú óhætt að mæla með gripnum. Platan jafnast kannski ekki við fjölmörg meistaraverk sveitarinnar en The Fall eru í hörkustuði og skila sínu eins og svo ansi oft áður.
The Fall – Y.F.O.C. / Slippy Floor
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Ein af rísandi stjörnum í bloggheimum um þessar mundir er hljómsveitin Cults. Sveitin er skipuð er tveimur ungmennum frá San Diego sem um þessar mundir hafast við í New York og spila ótrúlega heillandi og grípandi jaðarpopp sem gleðja ætti alla sem ekki eru fýlupúkar.
Hin afar hressa sveit MGMT gefur út sína aðra plötu, Congratulations, þann 13. apríl næstkomandi. Vafalaust eru margir orðnir spenntir enda var frumburður sveitarinnar, Oracular Spectacular, með skemmtilegri plötum undanfarinna ára. Platan sú innihélt margan smellinn en í þetta skiptið munu MGMT liðar ekki gefa út eina einustu smáskífu af plötunni! Hvort innihald hennar sé svo óvinsældavænt er ekki gott að segja enn, en fyrsta lagið sem heyrist af skífunni, “Flash Delirium”, er a.m.k. ekki alveg jafn grípandi við fyrstu hlustun og svo mörg önnur lög sveitarinnar. Sækja má lagið frítt á 
Við skrifum nú ekki oft um jazz hér á Rjómanum og mættum ef til vill gera meira af því. Eins og af fyrirsögninni má ráða er ansi góð ástæða fyrir þessum skrifum því nú í dag á bandaríski saxófónleikarinn Ornette Coleman stórafmæli og fagnar 80 árum á þessari jarðkringlu. Fyrir þá sem ekki þekkja er Ornette Coleman einn af helstu frumkvöðlum jazz tónlistarinnar og hefur verið í framvarðarsveit framúrstefnujazzins í yfir 50 ár.
Ein allra besta plata síðasta árs var frumburður bresku krakkanna í The xx sem einfaldlega hét XX. The xx blandar á einstaklega heillandi og mínimalískann hátt jaðarpoppi við elektróník svo úr verður ansi skemmtileg blanda. Lög sveitarinnar virðast líka henta einkar við til rímixunar og hafa á undanförnum mánuðum hrannast upp fjölmörg remix – og nokkur mashup – af lögum sveitarinnar. Fyrir þó nokkru 
Þær sorglegu frétttir hafa borist að Mark Linkous, forsprakki Sparklehorse, hafi tekið eigið líf í gær, laugardaginn 6. mars.
Teiknimyndasúpergrúppan Gorillaz sendir frá sér nýja plötu nú 9. mars næstkomandi og mun hún nefnast Plastic Beach. Fjölmargir gestir heimsækja Damon Albarn og félaga, m.a. Snoop Dog, Mos Def, Mark E. Smith úr The Fall, Mick Jones og Paul Simonon úr The Clash, Lou Reed og Bobby Womack. Fyrsta smáskífan,”Stylo”, kom út fyrir nokkrum vikum og nú hefur lagið “Superfast Jellyfish” fundið sér leið á netið, en í því hjálpa gamalgróna hip-hop sveitin De La Soul og Gruff Rhys úr Super Furry Animals.
Recent Comments