Twee Tími – Seapony

Ég skal játa ég er óskaplega veikur fyrir þessu undarlega fyrirbæri sem kallast Twee Pop á ágætri ensku. Skilgreiningin á orðinu “twee” er í grófum dráttum eitthvað sem er ægilega krúttlegt og sætt. Það er nú einmitt tilfellið í flestum eða öllum þeim lögum sem ég ætla á næstu vikum (eða árum) að draga fram í dagsljósið hér, undir kaflaheitinu “Twee Tími”. Þeir sem fyrirlíta krúttlegt popp geta því hæglega forðast þessa pósta.

Twee er hinsvegar ekki alltaf bara sætt og krúttað, heldur líka röff og pönkað. Hljóðfæraskipan getur verið í meira lagi undarleg og stundum skiptir ekki máli hvað maður getur heldur hvað maður gerir. Mörkin milli Twee og annara tónlistarstefna geta sömuleiðis verið nokkuð óljós, til að mynda eru stefnur sem kallast C-86, Jangle og eitthvað sem virðist vera kallað “Anorak” nátengdar, og alla jafna er þetta allt sett undir regnhlífarhugtakið “Indie Pop”. Sjálfum hugnast mér lítt svona skilgreiningar, ef tónlist hreyfir við manni þá er það gott og blessað sama hvaða nafni hún nefnist.

Eftir ítarlegar rannsóknir hef ég komist að því að margir sem aðhyllast, og spila, svona músík hafa jafnt gaman af The Carpenters, Burt Bacharach og Serge Gainsbourg sem og Ramones og My Bloody Valentine. Oft er því sameinað á skemmtilegan hátt það sem mér finnst sjálfum best í tónlist, grípandi laglínur og rifnir gítarar. Hljómsveitin Seapony frá Seattle minnir hinsvegar um margt á þá eðal sveit Beat Happening. Hún inniheldur Jen og Danny úr Transmittens (sem ég hef aldrei heyrt nefnda heldur) og vin þeirra Ian. Fátt veit ég meira um bandið en hér eru tvö lög sem ég vona þið hafið gaman af.

Seapony á Facebook | Ye olde Myspace

Kanye West og Bon Iver gera lag saman

Það heyrist skammarlega lítið af rappi hér á Rjómanum. Úr því skal nú bætt með meðfylgjandi lagstúf frá Kanye West og fjölbreyttu og fríðu föruneyti hans sem m.a. inniheldur indie hetjuna Bon Iver (eða Justin Vernon eins og hann heitir réttu nafni). Lagið er að finna á fimm laga plötu sem er samvinnuverkefni Kanye West og Jay-Z og heitir Watch the Throne.

Kanye West – Monster (Feat. Nicki Minaj, Jay-Z, Rick Ross, Bon Iver)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Still Corners – Endless Summer

Gott ef það var ekki Einstein sem lét hafa eftir sér að lykillinn að sköpunargáfunni væri að geta falið hvaðan hugmyndirnar koma. Oft sést bæði og heyrist hvaðan áhrifin og innblástuinn koma og, ef vel er að gáð, kemur fyrir að dýpri tengingar finnast en þær sem maður sá í fyrstu. Meðfylgjandi lag fékk mig til að velta þessu fyrir mér því í því leynist margt sem aðeins heyrist þegar maður skyggnist undir yfirborðið og hlustar vel.

Í byrjun dynur á manni “Be My Baby” trommutaktur sem er svo hulinn með gamaldags draumkenndu poppi sem hver einasti franski 60′s stelpupoppari hefði verið vel sæmdur af. Snefilmagni af yfirþyrmandi shoegaze þunglyndi, sem eflaust má tengja við helstu fánabera þeirrar stefnu, er síðan bætt við til bragðbætingar. Einfaldast væri að segja að lagið væri eins og eitthvað sem orðið hefði til ef Air og The Jesus and Mary Chain hefðu komið saman og gert lag en, eins og áður sagði, þá tel ég vera dýpra á tengingunum en svo. Eða hvað? Hvað finnst þér?

Still Corners – Endless Summer

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Ný myndbönd frá Interpol

Það bíða margir spenntir eftir nýjustu plötu Interpol sem kemur út þann 7. næsta mánaðar. Platan hefur auðvitað þegar lekið á vefinn og eflaust einhverjir sem hafa halað henni niður ófrjálsri hendi. Við hin sem ætlum að bíða og fá gripinn með löglegum hætti getum reynt að auðvelda okkur biðina með því að horfa á myndböndin tvö sem sem sveitin hefur sent frá sér við fyrstu smáskífur plötunnar.

Interpol – Barricade

Interpol – Lights

Sufjan Stevens – The Age of Adz

Aðeins sex dögum eftir óvænta útgáfu EP plötunnar All Delighted People tilkynnti Sufjan Stevens að þann 12. október myndi hann einnig gefa út næstu breiðskífu sína, The Age of Adz. Á plötunni, sem Sufjan hefur sjálfur líst sem einhverskonar epískri geim-fantasíu, notast hann mikið við hljóðgervla, tölvur og trommuheila sem síðan eru umvafin þykku lagi synfóníusveitar. Meðfylgjandi er fyrsta smáskífan af plötunni.

Tónaflóð

Hér að neðan er uppsöfnuð tónlistarleg spenna sem bíður losunar eftir rólegheit helgarinnar. Látum flóðgáttirnar opnast!

Dead Confederate – Run From The Gun
Tekið af plötunni Sugar sem kom út í byrjun síðistu viku.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Circus Envy – A New Dawn
Áferðarfallegt alt.folk frá Hull (ekki heyrir maður nú í mörgum sveitum þaðan). Meðfylgjandi er titillagið af nýjustu EP plötu sveitarinnar.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Alarma Man – Cabin In The Woods
Tekið af Love Forever, nýjustu plötu þessarar sænsku sveitar sem kom út þann 13. þessar mánðarar. Söngvari svietarinnar minnir mig agalega mikið á Alex MacNeil í Kimono.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Elliott Smith – Jealous Guy (John Lennon cover)
Upptaka frá 1999 þar sem Elliot heitinn flytur lag Lennon.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Laetitia Sadier – One Million Year Trip
Fyrsta alvöru sólóplatan frá Sadier, sem betur er þekkt fyrir störf sín með Stereolab, kemur út 21. næsta mánaðar og heitir The Trip. Þetta lag er á henni.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Religious Girls -ESL
Eitt það ferskasta sem komið hefur út í langan tíma í tilraunakenndri indie tónlist erlendis. Minnir á blöndu af Battles, Animal Collective og Justin Bieber laginu sem búið er að hægja á 800%.

Ólöf Arnalds – Crazy Car

Í júlí birti Rjóminn myndband við lag Ólafar Arnalds, ,,Innundir Skinni”. Lagið er tekið af samnefndri plötu sem kemur út í September. Nú er komið myndband við annað lag af plötunni. Lagið nefnist ,,Crazy Car” og hljómar bara ansi vel. Það er spurning hvort að myndbandið sé nokkuð óður til bílferðar þeirra Humberts Humberts og Lolitu í skáldsögu Nabokovs.

The Telepathetics – What We Are

Það er Rjómanum sönn ánægja að kynna lesendum sínum hér glænýtt lag með The Telepathetics sem nefnist “What We Are”. Er þetta frumflutningur á laginu í íslenskum fjölmiðlum.

Lagið var tekið upp af Markúsi Leifssyni í Hljóðver.is en það var samið á köldu vetrarkvöldi í æfingarhúsnæði TÞM á tímibili þar sem hljómsveitin gat ekki spilað á tónleikum sökum þess að trommari hennar var staddur erlendis. Lagið var frumflutt á tónleikunum The Telepathetics á Faktorý nú á dögunum og fékk það svo jákvæðar viðtökur að sveitin ákvað að gefa það út hið eins fljótt og kostur gafst.

The Telepathetics hafa nú lokið upptökum á 10 lögum fyrir væntanlega plötu en búist er við að hún komi ekki út fyrr í fyrsta lagi um jólin en fyrr getur sveitin ekki fylgt útgáfunni eftir. Mun það vera sökum þess að annar söngvari hljómsveitarinnar er í mastersnámi í Danmörku að læra geimflaugaverkfræði en meðlimir sveitarinnar grínast með að slík þekking muni eflaust koma sér vel bjóðist þeim einhverntímann að spila á tunglinu.

“What We Are” verður fáanlegt á síðu The Telepathetics á gogoyoko eftir helgi og hvetur Rjóminn lesendur sína endilega til að fjárfesta í eintaki þar sem lagið er, eins og annað efni frá sveitinni, sjálf útgefið og fjármagnað úr vasa hljómsveitarmeðlima.

The Telepathetics – What We Are

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Björk og múmínálfarnir

Björk var að senda frá sér nýtt lag, “The Comet Song”, sem finna má í nýrri kvikmynd um finnsku frændur okkar múmínálfana. Kvikmyndin The Moomins and the Comet Chase var frumsýnd fyrr í þessum mánuði í Finnlandi en lagið hennar Bjarkar kom út á iTunes í gær og fer allur ágóði af sölu þess til UNICEF hjálparstarfsins í Pakistan. Það var að sjálfsögðu gert myndband við lagið sem lítur svona út:

Nýtt erlent

Byrjum þessa yfirferð á því að kynna til leiks Entrepreneurs sem er, eftir því sem ég kemst næst, eins manns pródjekt Lundúnarbúa nokkurs. Entrepreneurs gaf nýlega út EP plötuna Uv Been Robbed (Joking, But Not) sem áhugasamir geta nálgast gegn þóknun sem þeir ákveða sjálfir. Er hún vel þess virði að eignast og jafnvel svo góð að einhverjir sjái ekki eftir að henda nokkrum hundraðköllum í hana.

Meðfylgjandi er lag af plötunni sem nefnist “Six Severed Hates” en það minnir helst á afkvæmi Beck og Xiu Xiu svona við fyrstu hlustun.

Fol Chen – C/U
Af Part II: The New December sem kom út í júlí síðastliðinum.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Bear In Heaven – You Do You
Tekið af plötunni Beast Rest Forth Mouth sem kom út í fyrra.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Boy & Bear – Mexican Mavis
Ástrálska útgáfan af Fleet Foxes? Má vera. Gott stöff engu að síður.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

I Blame Coco feat. Robyn – Caesar (Miike Snow Remix)
Takkaóðir Svíar komu saman og göldruðu fram þetta líka fína remix af laginu “Ceaser” með I Blame Coco en þeirra fyrsta plata, The Constant, er væntanleg 4. október.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Svo verð ég að enda þetta á glæsilegri upptöku af flutningi Arcade Fire á laginu “Ready To Start” sem fest var á filmu í Hackney Empire í London þann 7.júlí síðastliðinn.