Heiðursmannarapp

Ekki alls fyrir löngu fæddist ný tónlistarstefna í Brighton á suðurströnd Englands: Chap-Hop eða heiðursmannarapp*. Stefnan blandar saman hip-hopi við breska yfirstéttartísku Viktoríutímans og umfjöllunarefni nýlenduhefðarmanna; þeir reikja pípu og drekka te á meðan þeir spila krikket í khaki-buxum. Stefnan er nátengd gufupönktískunni (en. steampunk) sem verður sívinsælli með hverjum deginum í Brighton og víðar.

Helstu forsprakkar stefnunnar Professor Elemental og Mr.B (a.k.a the Gentleman Rhymer) eru nú búnir að fá nóg af hvorum öðrum og ætla að takast á (líkt og herramanna er siður) á Meadowland-festivalinu í lok maí.

Professor Elemental – Fighting Trousers

Mr.B – Straight Outta Surrey

*þýðingin kemur frá Guðmundi Pálssyni sem skrifaði pistil um fyrirbærið hér

Enn bætist við Airwaves

Aðstandendur Airwaves hátíðarinnar hafa bætt 14 nýjum atriðum við föngulegan hóp listamanna sem stíga munu á stokk á þessari mestu og bestu tónlistarhátíð okkar íslendinga. Erlendis frá koma Dope D.O.D. og De Staat frá Hollandi, SUUNS frá Quebec, rokkabillykaninn JD McPherson, Niki and the Dove, berlínarbúarnir Tar Haar og svo Sheffield-rokkararnir The Violet May.

Suuns – Up Past The Nursery

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

The Violet May – What You Say

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Dope D.O.D. – What Happened

Niki and The Dove – The Fox

De Staat – Sweatshop

J.D. McPherson – North Side Gal

Ter Haar – Yatzy

Samlandar okkar sem boðað hafa komu sína eru stúlkurnar í Pascal Pinon, Útidúr, Hljómsveitin Ég, Benny Crespo’s Gang, lo-fi dúóið Nolo, weirdcore fánaberinn Futuregrapher og síðast en ekki síðst hávaðarokkararnir í Swords of Chaos.

Það þarf því varla að hafa orð á því, þó við gerum það nú samt, að allt stefnir í glæsilegustu Airwaves hátíð til þessa. Svo verða herlegheitin að mestu haldin í tónleikabákninu Hörpu og ætti það eitt að vera nóg til að æra óstöðugan tónlistarunnandann.

Allskonar nýtt íslenskt í einni setningu

Ojba Rasta – Jolly Good

Eina almennilega dub-reggíband Íslands; svartara en himininn við Grímsvötn.

Úlfur Úlfur – Í Nótt

Tveir meðlimir Bróður Svartúlfs (bíddu, eru þeir hættir?) búa til þvoglumælt fyllerísrapp.

Mukkaló – Peace of Mind

Kassagítarkrúttin (sem spiluðu á tónleikum með Bombay Bicycle Club og verða eflaust bendluð við þá að eilífu) voru að setja nýja EP-demóplötu inn á gogoyoko.

Waiters and Bellboys – Battleship

Nýtt lag frá Jóhanni Kristinssyni og nýja hliðarsjálfinu Waiters and Bellboys.

Prins Polo – Niðrá Strönd (Sexy Schidt Rework by Jack Schidt and Sexy Lazer)

Prins Póló í nýjum umbúðum. Nánast óþekkjanlegt.

Erlendar útgáfur í apríl

Apríl mánuður er rúmlega hálfnaður og státar svo sannarlega af spennandi útgáfum hljómplatna utan landsteina Íslands. Gruggið lifir, hip-hop-ið heillar, gamlir vinir minna á sig og ferskar sveitir reyna frumraun sína í einni erfiðustu samkeppni heims; tónlistarbransanum. Skoðum nokkrar safaríkar plötur sem koma út í apríl.

Atmosphere – The Family Sign
Goðsagnir neðanjarðar hip-hop senunnar í Bandaríkjunum, Atmosphere, gefa út sína sjöundu breiðskífu en sveitin var stofnuð í kringum árið 1990. Rímnaflæði sveitarinnar hefur staðið sjálfstætt allt frá stofnun sveitarinnar og er sveitin ekki einungis þekkt fyrir ljúffengar rímur og mjúka takta, heldur einnig fyrir að standa á eigin fótum og vinna flest allt sjálf. The Family Sign frá Atmosphere er væntanleg í apríl.

Elbow – Build A Rocket Boys!
Eftir 20 ár í bransanum er fimmta breiðskífa Elbow væntanleg í apríl. Platan ber heitið Build A Rocket Boys! og fylgir eftir eðalskífunni The Seldom Seen Kid frá árinu 2008. Velgengni plötunnar færði Elbow inn í hóp virtustu poppsveita Bretlands og verðlaunahafið baðaði sveitina árið 2009. Nú er að sjá hvort sprengja The Seldom Seen Kid sé dauð úr öllum glæðum eða hvort Build A Rocket Boys! standi undir nafni?Foo Fighters – Wasting Light
Dave Grohl og félagar í Foo Fighters gáfu út sína sjöundu breiðskífu þann 12.apríl sl. Hljómsveitinni hefur vaxið ásmegin allt frá árinu 1995 þegar fyrsta plata sveitarinnar, Foo Fighters, leit dagsins ljós. Aðdáendur sveitarinnar fengu ágætis högg í andlitið fyrir stuttu síðan þegar hljómsveitin sleppti frá sér fyrstu smáskífu Wasting Light, White Limo en þar fór sveitin mikinn með Lemmy úr Motörhead í forgrunni og mikil læti og spurningin er hvort gullöld Grohl og félaga sé liðin eða rétt að hefjast.

Low – C´Mon
Íslandsvinirnir í hinni ljúfu Low eiga meira inni en jólalög. Það sannar sveitin án efa með útgáfu sinnar níundu breiðskífu, C´Mon þann 12.apríl sl. Low hefur verið starfandi allt frá árinu 1993 en í dag mynda þau Alan Sparhawk, Mimi Parker og Steve Garrington tríóið mjúka. Hljómsveitin hefur gefið út undir merkjum Seattle-útgáfunnar Sub Pop allt frá árinu 2005 og er engin breyting á að þessu sinni. Sjáum hvað setur.

Meat Puppets – Lollipop
Þrettánda breiðskífa Kirkwood bræðra í Meat Puppets, Lollipop, er væntanleg í apríl. Hljómsveitin var stofnuð árið 1980 og er vel komin til ára sinna. Þó hefur hún verið iðin við útgáfu og aldrei lagt árar í bát. Flestir tengja sveitina við órafmagnaða tónleika hinnar liðnu Nirvana frá árinu 1993 en sjálfstæð stendur sveitin þó huldu höfði hafi hún farið í nær þrjátíu ár. Nú er að sjá hvort Kirkwood bræður ætli að láta minnast sín í nútíð sem og fortíð.

Panda Bear – Tomboy
Undanfarið hefur Rjóminn veitt Panda Bear ágæta athygli. Animal Collective aðdáendur ættu ekki að vera þessu einstaklingsverkefni Noah Benjamin Lennox ókunnir en Lennox er einn stofnenda þeirrar ágætu sveitar. Tomboy mun vera fjórða sólóbreiðskífa Lennox en allt frá árinu 1998 hefur kauði verið iðinn við útgáfu bæði á sínu eigin efni sem og með hljómsveit sinni. Rjóminn hefur beðið með eftirvæntingu eftir þessu verki Lennox og er viss um að lesendur séu á sama máli. Hún er komin. Gó nöts!

TV on The Radio – Nine Types of Light
Tunde Adebimpe og félagar í TV on The Radio hafa sent frá sér sína fimmtu breiðskífu. Sveitin, sem stofnuð var árið 2001 í Brooklyn í New York, hefur vakið athygli fyrir óheflaða tónlistarstefnu og lifandi og skemmtilega sviðsframkomu. Hljómsveitin hefur sömuleiðis gengið í gegnum ýmsar mannabreytingar frá ári til árs en ætíð hefur Adebimpe staðið fastur í sínu og leikur nú við hlið þeirra Kyp Malone, David Sitek, Gerard Smith og Jaleel Bunton.

Tónlistardagskrá Reykjavik Fashion Festival

Reykjavik Fashion Festival hefst í dag, fimmtudaginn 31. mars, og stendur fram fram á sunnudag, 3. apríl. Líkt og í fyrra verður boðið upp á öfluga tónlistardagskrá samhliða hátíðinni – sem nær hámarki laugardagskvöldið 2. apríl með tónleikum Ghostface Killah og fleirum á NASA.

Tónlistardagskrá Reykjavik Fashion Festival gekk framar vonum í fyrra þegar hátíðin var haldin í fyrsta sinn. Þá steig meðal annars á stokk kanadíska tónlistarkonan Peaches sem spilaði á margrómuðum og troðfullum tónleikum á NASA, sem mörgum er enn í fersku minni. Sjaldan hefur önnur eins stemmning myndast á tónleikum í Reykjavík og þegar Peaches tryllti líðin, en ætlunin að halda uppi sama fjöri í ár – og það á sama stað í tilviki fyrihugaðra tónleika Ghostface Killah. Það er sannfærð trú okkar aðstanda að engin verði svikinn af tónleikum hans og fleiri á NASA.

Sjá alla tónlistardagskrána á vefnum www.rff.is

Ghostface Killah – Daytona 500 (feat. Raekwon & Cappadonna)

Nýtt: Kimya Dawson (feat. Aesop Rock)

Loksins er væntanleg sjöunda breiðskífa and-þýðu (en. anti-folk) tónlistarkonunnar Kimya Dawson, Thunder Thighs.

Hún hefur ekki verið iðin við músikkolann frá því að hún sló gegn með tónlistinni úr óskarsverðlauna-myndinni Juno. Síðan þá hefur hún einbeitt sér að barnauppeldi og aðeins gefið út eina plötu, en það var einmitt barnaplatan Alpabutt sem kom út 2008.

Thunder Thighs kemur út hjá útgáfufyrirtæki Calvins Johnsons K. Tvö lög eru komin á netið, “Walk Like Thunder”  og “Miami Advice.” Hún er á kunnulegum slóðum textalega: að venju syngur hún hvert einasta lag eins og það sé það mikilvægasta sem hún hefur sungið, en tónlistarlega er hún að þróast að einhverju leyti, þó að einfaldleikinn og einlægnin séu ávallt í fyrirrúmi.  Ein skýring á þróuninni er eflaust að í báðum lögunum fær hún hjálp frá rapparanum góðkunna Aesop Rock.

Eins undarlega og það hljómar þá hafa Kimya og Aesop verið að spila mikið saman undanfarið og kemur hann fram í helming laganna á nýju plötunni. Ekki nóg með það heldur hefur heyrst að þau séu með aðra plötu í vinnslu, sem dúett.

Kimya Dawson (feat. Aesop Rock & The Olympia Free Choir) – Miami Advice

Kimya Dawson (feat. Aesop Rock) – Walk Like Thunder

Nostalgía frá heimibjéjoð

Rjómanum hefur hlotist þann heiður að fá að frumflytja spánýtt lag frá rappjaxlinum heimirbjéjoð úr Akureysku Hip-Hop-sveitinni Skytturnar. Síðasta plata Skyttnanna, Illgresið, kom út árið 2003, fékk frábæra dóma og var sveitin tilnefnd sem bjartasta vonin á íslensku tónlistarverðlaununum. Síðan þá hafa meðlimir einbeitt sér að öðrum verkefnum.

Lagið “Nostalgía” er það fyrsta sem heyrist af sólóplötu heimis Að Skjóta Fíl. Lagið var tekið upp síðasta sumar og er últra-hress banger þar sem heimir og Hlynur (úr Skyttunum) láta gamninn geysa um nostalgíu og Akureyri ca. 2002. Einstaklega ferskt og sumarlegt.

Að Skjóta Fíl (sem er nefnd eftir smásögu George Orwell) er langt komin í vinnslu og kemur vonandi út fyrir sumarið. Hinar Skytturnar munu vera gestir og aðstoðarmenn í flestum lögum en Forgotten Lores og fleiri einnig koma við sögu.

Hægt er að hlaða niður “Nostalgíu” og tveimur eldri lögum á soundcloud-síðu heimisbjéjoð.

heimirbjéjoð feat. Hlynur – Nostalgía

Nýtt frá Snoop Dogg

Snoop Dogg (Doggy Dogg) mun senda frá sér sína elleftu breiðskífu þann 29.mars nk. Platan, sem átti í fyrstu að vera beint framhald af frumburði rapparans, Doggystyle frá 1993, er nú lýst sem hálfgerðri tónlistarlegri heimildarmynd um hina og þessa atburði í lífi Snoop.
Nýja platan hefur fengið nafnið Doggumentary og er gestagangurinn á plötunni gríðarlegur. Má þar nefna rapparann Kanye West, maríjúana konunginn Willie Nelson, T-Pain, John Legend og síðast en ekki síst vini okkar í Gorillaz. Snoop og Gorillaz unnu einmitt saman á plötunni Plastic Beach sem út kom í fyrra en Snoop hefur verið duglegur í samstarfi við hina og þessa tónlistarmenn um áraraðir.

Snoop Dogg hefur því miður ekki náð sömu hæðum í rappheiminum og hann gerði á síðasta áratug síðustu aldar en nú er að sjá hvort hinn nær fertugi rapphundur frá Long Beach nái að heilla með Doggumentary þann 29.mars nk.

Ghostface Killah til Íslands

Goðsögnin Ghostface Killah mun halda tónleika í Reykjavík laugardagskvöldið 2. apríl á NASA við Austurvöll. Tónleikar eru hluti af, og hápunktur, tónlistardagskrár Reykjavik Fashion Festival, sem skipulögð er af viðburðarfyrirtækinu Faxaflóa ehf.

Ghostface Killah er einn áhrifamesti hip hop tónlistarmaður sögunnar. Hann skaust upp á stjörnuhimininn ásamt félögum sínum í Wu-Tang Clan árið 1993 með frumraun sveitarinnar; Enter the Wu-Tang (36 Chambers) og er ekki síst þekktur fyrir afrek sín með Wu -Tang genginu. Þrátt fyrir að flestir hinna meðliðma Wu-Tang Clan hafi gefið út sólóplötur eða hliðarverkefni á undan Ghostface – þá hefur sólóferill hans verið farsælli en flestallra hinna.

Ghostface Killah hefur átt fjölmarga sigra í tónlistarheiminum, gefið út alls níu sóló breiðskífu sem hlotið hafa náð fyrir augum bæði plöturýnenda og almennings – og leikið á tónleikum og tónlistarhátíðum um heim allan. Árið 2006 var Ghostface Killah útnefndur af MTV tónlistarsjónvarpsstöðinni sem besti rappari sögunnar. kappinn átti þrjár plötur inni á lista yfir 200 besta plötu síðasta áratugar hjá tónlistarmiðlinum virta Pitchfork og hvað plötusölu varðar hafa tvær af plötum Ghostface náð inn á topp 5 á bandaríska Billboard-listann; frumraunin Ironman (1996) og Fischscale (2006).

Ghostface Killah kemur hingað til lands ásamt fimm manna föruneyti og er ekki ólíklegt að þar leynist fleiri meðlimir Wu-Tang-Clan.

Miðasala á tónleikana er hafin á Midi.is og sérstakt forsöluverð í boði fyrstu daga miðasölunnar; 3.900 krónur

Big Boi á Roskilde 2011

Rapparinn Antwan Patton eða Big Boi hefur nú boðað komu sína á Hróarskelduhátíðina í sumar.
Big Boi myndar, ásamt Andre 3000, tvíeykið frækna OutKast en lítið hefur spurst til þeirrar sveitar um þónokkurt skeið eða allt frá útgáfu plötunnar Idlewild árið 2006.
Big Boi hefur því nýtt tímann sem sólólistamaður og sendi meðal annars frá sér plötuna Sir Lucious Left Foot: The Son of Chico Dusty í fyrra og náði platan inn á ófáa topplista yfir plötur síðasta árs.

Skemmtilegt verður að sjá og heyra hvernig Big Boi tekst til að fá síglaða gesti Hróarskelduhátíðarinnar með sér í grúv en þetta mun vera hans fyrsta heimsókn á hátíðina.

Mike Skinner kveður The Streets

Mike Skinner hefur nú ákveðið að skilja við nafnið The Streets. Skinner sem hefur sent frá sér fjórar plötur frá árinu 2002, sendir frá sér fimmtu og síðustu The Streets plötuna þann 7.febrúar nk. og hyggur á ný mið.
The Streets
ætti ekki að vera ókunnugur landanum en ásamt því að frumburður listamannsins, Original Pirate Material og fylgisveinninn
A Grand Don´t Come For Free
náðu gríðarlegum vinsældum hér á landi, hafa ófáir Íslendingarnir dansað trylltan á tónleikum kappans á Hróarskelduhátíðum undanfarin ár.

Skinner sendi frá sér fyrstu smáskífu fimmtu plötu sinnar, Computers & Blues, í gærdag en satt best að segja vonast undirritaður eftir betra efni á plötunni sjálfri. Smáskífan kallast Going Through Hell og er ekkert spes en þó má vænta að The Streets hinkri með betra efni fram að útgáfu plötunnar í næstu viku.

Febrúar færir

Febrúarmánuður ætti að gleðja margan tónlistarunnandann og einna helst höfða til víðs hóps í þeim efnum. Plötuútgáfa mánaðarins stefnir í sætt og er ekki seinna vænna en að kynna sér örlítið helstu plötur febrúarmánaðar. Glöggir lesendur Rjómans undanfarið kannast án efa við eitthvað af því sem febrúarmánuður færir fram.

Dr.Dre – Detox

Goðsögn rappheimsins Dr.Dre hefur unnið að þriðju breiðskífu sinni, Detox, allt frá árinu 1999. Síðasta plata doktorsins, 2001, sprengdi vel af sér og vakti gífurlega athygli en Dr.Dre, réttu nafni Andre Young, vakti fyrst athygli með hljómsveitinni World Class Wreckin´Crew og síðar NWA á 9.áratugnum. Frumburður sólóferils Dre, The Chronic, kom loks út árið 1992. Dre hefur verið iðinn við framleiðslu á rapptónlist allt frá 9.áratug og hefur fleytt röppurum á borð við Eminem, 50 Cent, The Game og sjálfum Snoop Dogg fram á sjónarsviðið.
Þriðja plata Dr.Dre, Detox, er nú væntanleg í febrúarmánuði. Snoop Dogg, Eminem, 50 Cent, The Game og austurstrandarkóngurinn Jay-Z koma allir við sögu á plötunni og ættu rappunnendur að fara að setja sig í stellingar.
Fyrsta smáskífa plötunnar, Under Pressure feat. Jay Z, kom út á síðasta ári en nýjasta smáskífan, I Need A Doctor feat. Eminem, kom út í dag.

Bright Eyes – The People´s Key

Conor Oberst og félagar í Bright Eyes senda nú frá sér sína tíundu breiðskífu. Hljómsveitin hefur verið iðin við plötuútgáfu allt frá árinu 1998 en þó, náði ekki fótfestu almennilega fyrr en með plötu sinni, I´m Wide Awake, It´s Morning, árið 2005. Bright Eyes hafa sent frá sér smáskífuna, Shell Games, af plötunni væntanlegu (The People´s Key) og er útgáfudagur settur þann 15.febrúar nk. Mun þetta vera fyrsta plata Bright Eyes frá árinu 2007 og samkvæmt sveitinni er nú leitað á ný mið innan hljóðheimsins.  Spennandi!

Cut Copy – Zonoscope

Þriðja plata áströlsku syntha-popparanna í Cut Copy er væntanleg þann 8.febrúar nk. Cut Copy vöktu athygli árið 2008 eftir útgáfu annarrar breiðskífu sinnar, In Ghost Colours og varð hljómsveitin vinsæll kostur plötusnúða víða um heim allan með lögum á borð við Hearts on Fire og Lights & Music. Nýja platan er sögð ögn frábruðgnari fyrri verkum sveitarinnar en fyrsta smáskífa plötunnar, Take Me Over, kom út í nóvember á síðasta ári. Dansþyrstir dilli-unnendur ættu ekki að verða sviknir hér.

The Pains of Being Pure at Heart – Belong

New York slakar ekkert á í að framleiða áhugaverð bönd og árið 2009 spratt The Pains of Being Pure at Heart fram með stórfínum, samnefndum frumburði. Tónlistaráhugamenn erlendis sem og hér heima tóku bandinu vel og urðu lög á borð við A Teenager In Love skyldueign á iPod hvers unnanda tónlistarinnar. Þessi ferska og spennandi indie-rokk sveit hefur sent frá sér fyrstu smáskífu annarrar plötu sinnar, Belong, Heart in Your Heartbreak og tilkynnt um útgáfu í febrúarmánuði. Nú er spurning hvort að sveitin standist þá hörðu og flóknu vinnu sem fylgir því að fylgja eftir frábærum frumburði.

PJ Harvey – Let England Shake

Gruggdrottningin PJ Harvey stefnir á útgáfu sinnar áttundu breiðskífu, Let England Shake, þann 15.febrúar nk. Harvey þarf vart að kynna en þessi 41 árs rokkpía hefur verið iðin við gellugruggið allt frá árinu 1987 og hefur komið að ógrynni platna í gegnum ferilinn. Hefur hún þá m.a. unnið með The Desert Sessions ásamt Josh Homme og félögum, Mark Lanegan, Marianne Faithful, Nick Cave og Thom Yorke (svo eitthvað sé nefnt). Plata hennar Stories From The City, Stories From The Sea, tryggði svo stöðu hennar sem drottning gruggsins og lög á borð við Good Fortune og Big Exit fóru mikinn. Nú er að sjá hvernig skvísan spjarar sig á sínu 24.starfsári.

…And You Will Know Us By The Trail of Dead – Tao of The Dead

Summer of All Dead Souls nefnist fyrsta smáskífa sjöundu breiðskífu hljómsveitarinnar en útgáfudagur Tao of The Dead hefur verið negldur þann 8.febrúar nk. Sveitin kom undirrituðum fyrst fyrir sjónir þegar hún kom í stað The Mars Volta á Hróarskelduhátíðina árið 2005 en sveitin hefur verið starfandi allt frá árinu 1998. Þessi áhugaverða rokksveit hefur verið hyllt fyrir framúrstefnulega og tilraunakennda en nútímalega rokktónlist og snýr sér nú til upptökustjóra frumburðar síns, Chris Smith og verður spennandi að sjá hvernig sveitin og Smith hafa framreitt Tao of The Dead.

Drive By Truckers – Go-Go-Boots

Gott grín er aldrei slæmt. Drive By Truckers stefna á útgáfu morð/rapp plötu sinnar þann 15.febrúar nk. en sveitin hefur verið starfandi allt frá árinu 1996 og sendi frá sér frumburðinn hressa, Gangstabilly, árið 1998.
Sveitin hefur verið til í breytanlegu formi í meira en áratug og mætti lýsa stefnu hennar sem kántrýskotnu/suðurríkja/indie/slacker/rock-i (hmm..) og já….Rapp? Athugið þessa!

The Low Anthem – Smart Flesh

Ákaflega spennandi sveit sem stígur nú fram eftir ágætt gengi frumburðar síns, Oh, My God, Charlie Darwin, árið 2008. Rólegheit í fyrirrúmi og þægilega lágstemmt folk-rokk sem bræðir og yljar. Sveitin gefur nú út hjá hinu útsjónarsama útgáfufyrirtæki Bella Union (Midlake t.d.) en það er Mick Mogis úr Bright Eyes sem sér um að hljóðblanda Smart Flesh. Þeir Ben Knox Miller og Jeff Prystowsky hófu feril sveitarinnar árið 2006 en seinna bættust þau Jocie Adams og Mat Davidson í hópinn. Má segja að undirritaður sé ákaflega spenntur fyrir þessari. Útgáfudagur er negldur þann 22.febrúar nk. The Low Anthem flutti lagið Ghost Woman Blues hjá Letterman fyrr í mánuðinum.

Beady Eye – Different Gear, Still Speeding

Óargadýrið Liam Gallagher kryddar nú fram fyrstu plötu nýja verkefnis síns, Beady Eye og er útgáfudagur negldur þann 28.febrúar nk. Gallagher hefur ekki haft sig hægan í pressunni undanfarið og rakkar bróður sinn og fyrrum hljómsveitarfélaga, Noel Gallagher, niður við hvert tækifæri sem gefst. Liam er hér mættur með gömlu Oasis kempurnar Gem Archer (gítar) og Andy Bell (bassi) ásamt hinum líttlifða Oasis-meðlimi Chris Sharrock og virðist kenna nýrra grasa á bænum. Spurningin er hvort litli bróðir geti storkað þeim stóra á plasti líkt og í orði.

Hollywood grínarar í rappið

Grínistarnir Will Ferrell og John C. Reilly hafa nú gert opinbert að frá þeim sé væntanlega breiðskífa. Félagarnir sem slógu rækilega í gegn í kvikmyndunum Talladega Nights og Step Brothers hafa nú ákveðið að halda tónlistarsamstarfi sínu úr þeirri síðarnefndu lifandi og gefa út rappplötu. Enginn annar en Mos Def sjálfur hefur verið ráðinn sem pródúsent plötunnar en platan hefur hlotið hið virðulega heiti, Huff ´N Doback.
Greinilegt er að þeim félögum er margt til listana lagt og verður spennandi að sjá hvernig tveimur drepfyndnum Hollywood stjörnum tekst til í heimi gulltanna, derhúfna og Bentley-bifreiða. Ferrell og Reilly hafa ávallt verið músíkalskir í verkum sínum en skemmst er að minnast kvikmyndarinnar Walk Hard: The Dewey Cox Story sem Reilly lék í um árið svo eftirminnilega.

Persónur þeirra Ferrell og Reilly ætluðu sér heimsfrægð í kvikmyndinni Step Brothers og frumfluttu hið víðfræga Boats ´N Hoes með tilheyrandi myndbandi. Spurningin er hvort lagið fái inn á plötuna eða ekki? Sjáum til.

Gyðingajól

“Kristnir” menn eru ekki þeir einu sem fagna í desember. Trúfrændur okkar gyðingarnir eru nú hálfnaðir í Hanukkah-hátíðarhöldum sínum, sem hófust 1.desember og ljúka þann níunda. Hlýðum því á reggí-rapp-réttrúnaðar-gyðinginn Matisyahu og gyðinga-tónlistargrínarann Adam Sandler syngja um þessa hátíð ljóssins.

Nýtt lag frá Ramses

Þann 17. desember næstkomandi kemur út platan Óskabarn Þjóðarinnar með rapparanum Ramses. Eitt af fyrstu lögunum af plötunni sem kemur fyrir eyru almennings er lagið “Hey Sæta” en taktinn í því gerir ungur og efnilegur taktasmiður sem sem kallar sig Arianit. Búast má við að lagið taki að hljóma á útvarpsstöðum landsins á næstu misserum.

Rjómajól – 6. desember

Það er hip-hop þema á Jólarjómanum í dag og ætti það að koma einhverjum í grúví jólaskap. Eins furðulega og það hljómar þá er til hreint ótrúlegur fjöldi af jóla-hip-hop lögum og plötum og því er aðeins hægt að bragða á broti af þessari stórskemmtilegu undirgrein jólatónlistarinnar. Þeim sem langar til að heyra meira er bent á safnplöturnar Christmas Rap (1993) og Christmas On Death Row (1996) til þess að byrja með … eða bara leita því af nógu er að taka.

Atmosphere – If I Was Santa-Claus (2001)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Snoop Dogg – Santa Claus Goes Straight To The Ghetto (1996)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Run DMC – Christmas In Hollis (1987)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Kurtis Blow – Christmas Rappin’ (1980)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

The Game kemur til Íslands

Bandaríski bófarapparinn The Game kemur til Íslands, og mun spila á tónleikum á Broadway, þann 18.desember. Leikurinn sendi skilaboð til Íslendinga í gær þar sem hann lofaði að koma með flöskur ef við kæmum með fyrirsætur. Rjóminn er alveg til í að þiggja þau skipti.

Miðasala er í Mohawk í kringunni og kostar 3500 krónur. Ekki er búið að gefa upp hver sjái um upphitun.