Rjóminn

Föstudagsblandan

Egill Harðar — Fri, 12 Mar 2010 14:33:28 +0000

Það er föstudagur. Vinnuvikan að enda komin og langþráð helgi bíður eins og óþolinmóður krakki í biðröð eftir að taka við. Fyrir þá sem ætla að sletta úr klaufunum í kvöld ákvað ég að henda í eins og eitt indie mix fyrir þá sem vilja tjútta aðeins en meika ekki endilega einhverja dynjandi danstónlist.

Ég vona að þetta hreyfi við einhverjum og gleðji. Skál!

Figurines – Other Plans
Af plötunni Skeleton sem kom út 2006.

Figurines – Other Plans

Pete and The Pirates – She Doesn’t Belong To Me
Af plötunni Little Death sem kom út 2007.

Pete and The Pirates – She Doesn’t Belong To Me

The Radio Dept – Heaven’s On Fire
Af plötunni Clinging To A Scheme sem kemur út þan 21. apríl næstkomandi.

The Radio Dept – Heaven’s On Fire

Mates Of State – Fraud In The 80’s
Af plötunni Bring It Back sem kom út 2006.

Mates Of State – Fraud In The 80’s

Sambassadeur – Between The Lines
Af plötunni Subtle Changes sem kom út 2007.

Sambassadeur – Between The Lines

Aqueduct – As You Wish
Af plötunni Or Give Me Death frá 2007.

Aqueduct – As You Wish

The Rentals – Friends of P
Af plötunni Return of The Rentals frá 1995.

The Rentals – Friends of P

The Sound of Arrows – Danger!
Af EP plötunni Danger! frá 2008.

The Sound of Arrows – Danger!

controller.controller – PF
Af plötunni X-Amounts sem kom út 2005.

controller.controller – PF

Hooray for Earth – Simple Plan
Af samnefndri plötu frá 2007.

Hooray for Earth – Simple Plan

Rating: 0.0/5 (0 votes cast)

Partý með Vampire Weekend í París

Egill Harðar — Fri, 12 Mar 2010 13:21:41 +0000

Sökum vankunnáttu minnar á hinu franska tungumáli kann ég lítið deili á þessu myndbandi, höfundum þess eða hvar það er tekið upp og af hvaða tilefni. Eina sem ég veit er að það tengist fyrirbæri sem kallast Soiree de Poche en margir andans menn og músikantar eru því tengdir eins og sjá má.

Rating: 0.0/5 (0 votes cast)

Woodsist

Guðmundur Vestmann — Fri, 12 Mar 2010 00:18:54 +0000

Plötur hins öfga lo-fi, indí útgáfufélags Woodsist nutu töluverða vinsælda á meðal tónspekúlanta á síðastu tveimur árum. Mætti þar helst nefna Wavves, Kurt Vile og Real Estate. Þetta árið er Woodsist með þónokkrar plötur í bígerð en spenntastur er ég fyrir væntalegri breiðskífu Woods og frumburði sveitarinnar White Fence.

Woods, eigendur Woodsist, gáfu út frábæra plötu í fyrra, Songs of Shame, sem endaði á ansi mörgum árslistum 2009 – og þar á meðal í 18. – 21. sæti á árslista Rjómans. Nýja skífan mun bera nafnið At Echo Lake og kemur út í maí. Af eina hljóðdæminu sem lekið hefur af plötunni má heyra að Woods eru að feta sama slóða og á síðustu plötu: sérstaklega sérviskuleg blanda af kántrímúsík og lo-fi indírokki.

Woods – I Was Gone (af At Echo Lake)

http://rjominn.is/wp-content/static/2010/03/woodsiwasgone.mp3

Woods – Military Madness (af Songs og Shame)

http://rjominn.is/wp-content/static/2009/04/06-military-madness.mp3

White Fence er hugarfóstur Tims nokkurs Presley og er bandið gert út frá San Francisco. Á ferð sinni flækist White Fence um hinar og þessar períódur tónlistarsögunnar: heimsækir Syd Barret-tímabil Pink Floyd, bresku pönksenuna, bandarískt sýrurokki frá sjöunda áratuginum og þýska klámmynda tónlist – svo eitthvað sé nefnt. Platan mun bera sama nafn og bandið sjálft og kemur út í apríl.

White Fence – The Love Between (af White Fence)

http://rjominn.is/wp-content/static/2010/03/05-The-Love-Between.mp3

White Fence – Destroy Everything (af White Fence)

http://rjominn.is/wp-content/static/2010/03/10-Destroy-Everything.mp3

Rating: 0.0/5 (0 votes cast)

Blúshátíð í Reykjavík 2010

rjominn — Thu, 11 Mar 2010 14:36:38 +0000

Blúshátíð í Reykjavík 2010 verður haldin 27. mars – 1. apríl. Aðalgestir hátíðarinnar í ár verða Super Chikan and the Fighting Cocks, sem koma sjóðheit frá Mississippi; stórstjarnan Billy Branch frá Chicago og blúsdívan Deitra Farr. Þrennir stórtónleikar verða á Hilton Reykjavík Nordica, þriðjudags-, miðvikudags- og fimmtudagskvöld, og fjórar dívur syngja í Fríkirkjunni á pálmasunnudag, 28. mars.

Sunnudag 28. mars kl. 20 – Fríkirkjan í Reykjavík
Fjórar dívur: Deitra Farr, Kristjana Stefáns, Ragnheiður Gröndal og Brynhildur Björnsdóttir.

Þriðjudag 30. mars kl. 20 – Hilton Reykjavík Nordica
Deitra Farr, þessi stórkostlega blússöngkona frá Chicago tryllir gesti Blúshátíðar í Reykjavík í ár. Deitra er ekta blússöngkona og syngur blús eins og hann gerist bestur. Á tónleikunum kemur einnig fram Nordic All Stars Blues Band með nýrri áhöfn skipaðri úrvali norrænna blúsmanna.

Miðvikudag 31. mars kl. 20 – Hilton Reykjavík Nordica
Billy Branch, goðsögn úr Chicago blúsnum; fyrrum munnhörpuleikari Willie Dixon og Chicago Blues All Stars kemur í fyrsta skipti fram á Blúshátíð í Reykjavík. Billy Branch er einn af virtustu og vinsælustu blúsmönnum heims í dag, margverðlaunaður og hefur spilað með flestum stórstjörnum blústónlistarinnar frá upphafi. Á tónleikunum kemur einnig fram íslenska stórsöngkonan Ragnheiður Gröndal og syngur blús.

Fimmtudag 1. apríl, skírdag kl. 20 – Hilton Reykjavík Nordica
Super Chikan and the Fighting Cocks, koma beina leið frá Mississippi og eru líkleg til að gera allt vitlaust. Þeir sem hafa upplifað tónleika þeirra eiga ekki orð af hrifningu. Super Chikan, er tilnefndur til fernra blúsverðlauna í ár. Hann er einstakur og litríkur tónlistarmaður og tónleikar hans eru mögnuð upplifun. The Fighting Cocks skipa þrjár frábærar blúskonur, LaLa Craigdelong, Heather Tackett og Jamiesa Turner.

Blúsmiðinn
Handhafi Blúsmiðans hefur aðgang að öllum þrennum tónleikunum á Hilton Reykjavik Nordica. Takmarkað magn Blúsmiða er í boði.

Miðasala á Miði.is

ATH: Miðasala fer einnig fram við inngang alla daga hátíðarinnar.

Rating: 0.0/5 (0 votes cast)

Nýtt lag frá Here We Go Magic

Pétur Valsson — Thu, 11 Mar 2010 09:29:59 +0000

Fyrir rúmu ári gaf bandaríska sveitin Here We Go Magic út samnefndan frumburð sinn og vakti nokkra athygli fyrir meðal tónlistarnörda. Lang besta lag þeirrar plötu, “Fangela”, var það sem kom flestum á sporið enda fellur það einnig auðveldlega í hóp með eftirminnilegri lögum síðasta árs. Here We Go Magic eru nú tilbúnir með aðra plötu, sú nefnist Pigeons og kemur út í byrjun júní. Það er Secretly Canadian sem gefur út og hefur útgáfan ákveðið að gefa fyrsta singulinn af plötunni, “Collector”, sem má sækja hér. Þið getið líka hlustað á lagið hér að neðan og við skulum rifja upp “Fangela” að þessu tilefni.

Here We Go Magic – Collector

Here We Go Magic – Collector

Here We Go Magic – Fangela

Here We Go Magic – Fangela

Rating: 5.0/5 (1 vote cast)

The Fall með nýja plötu

Pétur Valsson — Wed, 10 Mar 2010 19:18:49 +0000

Rokksveitin ódrepandi The Fall gefur út nýja plötu í næsta mánuði sem heita mun Our Future Your Clutter og er sú fyrsta sem sveitin gefur út hjá Domino útgáfunni. Þetta er þó 28. breiðskífa hljómsveitarinnar og samkvæmt heimasíðu þeirra hafa The Fall gefið út 40 safnplötur og 35 tónleikaplötur svo það má segja að sveitin sé með þeim útgáfuglaðari. Það er að sjálfsögðu sjálfur Mark E. Smith sem stjórnar The Fall með harðri hendi, líkt og undanfarin 33 ár, og skiptir hann oftar um hljóðfæraleikara en nærbuxur. Þó að enn sé langt í útgáfudag Our Future Your Clutter hefur platan lekið á netið og við fyrstu hlustanir er nú óhætt að mæla með gripnum. Platan jafnast kannski ekki við fjölmörg meistaraverk sveitarinnar en The Fall eru í hörkustuði og skila sínu eins og svo ansi oft áður.

The Fall – Y.F.O.C. / Slippy Floor

The Fall – Y.F.O.C. / Slippy Floor

Rating: 5.0/5 (1 vote cast)

Kynntu þér Cults

Pétur Valsson — Wed, 10 Mar 2010 10:11:58 +0000

Ein af rísandi stjörnum í bloggheimum um þessar mundir er hljómsveitin Cults. Sveitin er skipuð er tveimur ungmennum frá San Diego sem um þessar mundir hafast við í New York og spila ótrúlega heillandi og grípandi jaðarpopp sem gleðja ætti alla sem ekki eru fýlupúkar.

Cults hefur gefið út eina stafræna sjötommu sem nefnist Cults 7″ og má nálgast hana alveg frítt á bandcamp síðu sveitarinnar. Platan sú inniheldur þrjú lög og tvö þeirra má einnig hlusta á hér á Rjómanum:

Cults – Go Outside

Cults – Go Outside

Cults – Most Wanted

Cults – Most Wanted

Rating: 5.0/5 (1 vote cast)

Nýtt MGMT lag!

Pétur Valsson — Tue, 09 Mar 2010 18:50:33 +0000

Hin afar hressa sveit MGMT gefur út sína aðra plötu, Congratulations, þann 13. apríl næstkomandi. Vafalaust eru margir orðnir spenntir enda var frumburður sveitarinnar, Oracular Spectacular, með skemmtilegri plötum undanfarinna ára. Platan sú innihélt margan smellinn en í þetta skiptið munu MGMT liðar ekki gefa út eina einustu smáskífu af plötunni! Hvort innihald hennar sé svo óvinsældavænt er ekki gott að segja enn, en fyrsta lagið sem heyrist af skífunni, “Flash Delirium”, er a.m.k. ekki alveg jafn grípandi við fyrstu hlustun og svo mörg önnur lög sveitarinnar. Sækja má lagið frítt á whoismgmt.com eða bara hlusta á það hér:

MGMT – Flash Delirium

MGMT – Flash Delirium

—-

Viðbót!

Svo virðist sem annað lag af plötunni hafi komist á netið í dag – sjálft titillagið – og því um að gera að bæta því við…

MGMT – Congratulations

MGMT – Congratulations

Rating: 5.0/5 (4 votes cast)