Rjóminn

Ný plata frá Slugs

Kristján Guðjónsson — Thu, 02 Sep 2010 19:34:32 +0000

Subburokksveitin Slugs hefur ekki látið i sér heyra almennilega frá því að samnefnd frumraun kom út fyrir tveimur árum. Nú er komin út ný plata með bandinu og nefnist hún Thorgeirsboli (eða The Bull of Thorgeir, ég er ekki alveg viss). Spilamennskan hefur ekkert batnað, en grípandi melódíur, subbuskapur og brjálæði eru í hávegum höfð að venju. Vonandi fara þeir að spila aftur á tónleikum bráðum, enda stórskemmtilegt tónleikaband.

Hægt er að hluta á plötuna í heild sinni á mypsace.com/slugsogslabb
Tjékkið á þessu baneitraða dóti.

Gagnvirk Arcade Fire

Guðmundur Vestmann — Thu, 02 Sep 2010 12:48:09 +0000

Kanadísku indíhetjurnar í Arcade Fire sitja ekki auðum höndum þessa dagana. Bandið á fullt í fangi með að fylgja eftir sinni stórgóðu The Suburbs, fyrst í Bandaríkjunum og Kanada, en svo á meginlandi Evrópu og Bretlandi. Nú dögunum leit svo dagsins ljós gangvirk kvikmynd, eða tónlistarmyndband öllu heldur, við lagið ‘We Used to Wait’. Myndin, sem ber nafnið The Wilderness Downtown, er hægt að horfa á hér. Notendur verða þó að hafa Google Chrome vafrarann uppsettann á tölvunni til að geta notið myndar og hljóðs.

Twee Tími – Seapony

Magnús Hákon Axelsson — Thu, 02 Sep 2010 10:36:57 +0000

Ég skal játa ég er óskaplega veikur fyrir þessu undarlega fyrirbæri sem kallast Twee Pop á ágætri ensku. Skilgreiningin á orðinu “twee” er í grófum dráttum eitthvað sem er ægilega krúttlegt og sætt. Það er nú einmitt tilfellið í flestum eða öllum þeim lögum sem ég ætla á næstu vikum (eða árum) að draga fram í dagsljósið hér, undir kaflaheitinu “Twee Tími”. Þeir sem fyrirlíta krúttlegt popp geta því hæglega forðast þessa pósta.

Twee er hinsvegar ekki alltaf bara sætt og krúttað, heldur líka röff og pönkað. Hljóðfæraskipan getur verið í meira lagi undarleg og stundum skiptir ekki máli hvað maður getur heldur hvað maður gerir. Mörkin milli Twee og annara tónlistarstefna geta sömuleiðis verið nokkuð óljós, til að mynda eru stefnur sem kallast C-86, Jangle og eitthvað sem virðist vera kallað “Anorak” nátengdar, og alla jafna er þetta allt sett undir regnhlífarhugtakið “Indie Pop”. Sjálfum hugnast mér lítt svona skilgreiningar, ef tónlist hreyfir við manni þá er það gott og blessað sama hvaða nafni hún nefnist.

Eftir ítarlegar rannsóknir hef ég komist að því að margir sem aðhyllast, og spila, svona músík hafa jafnt gaman af The Carpenters, Burt Bacharach og Serge Gainsbourg sem og Ramones og My Bloody Valentine. Oft er því sameinað á skemmtilegan hátt það sem mér finnst sjálfum best í tónlist, grípandi laglínur og rifnir gítarar. Hljómsveitin Seapony frá Seattle minnir hinsvegar um margt á þá eðal sveit Beat Happening. Hún inniheldur Jen og Danny úr Transmittens (sem ég hef aldrei heyrt nefnda heldur) og vin þeirra Ian. Fátt veit ég meira um bandið en hér eru tvö lög sem ég vona þið hafið gaman af.

Seapony á Facebook | Ye olde Myspace

Folk í fréttum : Jacob Faurholt

Egill Harðar — Thu, 02 Sep 2010 09:49:12 +0000

Á morgun mun danskur frændi vor, Jacob Faurholt, gefa út sína þriðju plötu og nefnist hún Are You In The Mood For Love? Um er að ræða ryðgaða og rykfallna, gotneska folk tónlist með spagettívestra kántrý áhrifum sem aðdáendur listamanna eins og Nick Cave og Adrian Crowley ættu eflaust að heillast af.

Meðfylgjandi eru þrjú lög af plötunni sem Jacob sendi Rjómanum og kunnum við honum bestu þakkir fyrir. Svo er bara spurning hvenær og hvort íslenskir tónlistaráhugamenn fái að sjá þennan ágæta listamann stíga á stokk hér á landi?

Jacob Faurholt – Rusty Country Cage

Jacob Faurholt – Rusty Country Cage

Jacob Faurholt – A Fish In A Bowl

Jacob Faurholt – A Fish In A Bowl

Jacob Faurholt – You Sing No Louder Than A Little Bird

Jacob Faurholt – You Sing No Louder Than A Little Bird

Ólafur Arnalds í Havarí

Rjóminn — Thu, 02 Sep 2010 09:30:30 +0000

Havarí kynnir Ólaf Arnalds næstan á svið – laugardaginn 4. september klukkan 16.00.

Ólaf hefur oft borið á góma í Havarí í sumar og hafa tónar hans ómað ótt og títt út um hátalarakerfið. Mest hefur nýja platan hans “… and they have escaped the weight of darkness“, sem kom út í apríl, verið spiluð. Ólafur á stóran og stæðilegan aðdáendahóp sem tók mikinn vaxtarkipp eftir að hann túraði með Sigur Rós 2008. Það er enn á huldu hverjir spila með Ólafi á laugardaginn en eina sem vitað er er að húsráðendur þurfa að redda honum sex stólum.

Ólafur Arnalds – Ljósið (Official Music Video) from Erased Tapes on Vimeo.

Ólafur Arnalds – Þú Ert Sólin

Ólafur Arnalds – Þú Ert Sólin

Ókindin snýr aftur

Rjóminn — Thu, 02 Sep 2010 09:16:37 +0000

Laugardaginn 4. september verður rokksveitin Ókind særð upp úr gröfinni til að leika í eina kvöldstund á Faktorý. Húsið mun opna kl. 22:00. Söngvaskáldið Jón Þór (Lödu Sport, Dynamo Fog) sér um upphitun og hefur leik kl. 23:00. Það verður ókeypis inn og platan Hvar í Hvergilandi til sölu á hlægilegu verði.

Ókind spratt fullsköpuð fram árið 2002 – út úr daunillu hesthúsi á Heimsenda og beint í annað sæti Músíktilrauna. Á næstu fjórum árum gaf hún út plöturnar Heimsenda 18 og Hvar í Hvergilandi, sem báðar hlutu náð fyrir augum og eyrum gagnrýnenda. Haustið 2006 tilkynnti Ókind að nú væri þetta orðið gott í bili. Svo þagnaði hún í fjögur ár.

Meðlimirnir hafa flestir verið viðloðandi tónlist síðan: Gítarleikarinn Ingi Einar er tónleikaljósamaður, bassaleikarinn Birgir Örn upptökustjóri, og söngvarinn og hljómborðsleikarinn Steingrímur hefur m.a. starfað í hljómsveitunum Moses Hightower, Ojba Rasta og Stórsveit Samúels J. Samúelssonar. Trommarinn Ólafur Freyr er lögmaður sem hlustar gjarnan á góða tónlist um helgar.

Ókind er ekki byrjuð aftur. Hér er bara um einnar nætur gaman að ræða. Tveimur dögum eftir tónleikana flytur Ingi Einar til London ásamt unnustu sinni og verður þar lengi, lengi. Kannski kemur hljómsveitin saman aftur seinna. Kannski ekki.

Ókind – Ó Ég

Radiohead á tónleikum

Egill Harðar — Wed, 01 Sep 2010 13:12:50 +0000

Meðfylgjandi er upptaka af tónleikum Radiohead í Prag sem hópur aðdáenda tók upp og setti saman. Það verður að segjast að útkoman er hreint út sagt frábær og hljóð- og myndgæði með hreinum ágætum. Þetta er vel þess virði að horfa á og njóta.

Draumhvörf, Mikado og Two Tickets á Faktorý

Rjóminn — Wed, 01 Sep 2010 12:12:09 +0000

Hljómsveitirnar Draumhvörf, Mikado og Two Tickets to Japan halda tónleika á Faktorý fimmtudagskvöldið 2. september. Húsið opnar kl. 21 og hefjast tónleikar byrja kl. 22 (stundvíslega). Frítt inn!

Allar spila þessar sveitir frammúrstefnulegt rokk ýmist undir áhrifum frá post-rokki, jazzi, psychedelicu, latin og metal. Allar leggja þær mikinn metnað í flóknar en flottar laga- og textasmíðar og grípandi og límkenndum laglínum. Hafa sveitirnar tekið þátt í mörgum af helstu tónlistarviðburðum hérlendis auk þess að skipuleggja sjálfar marga viðburði og uppákomur.

Draumhvörf – Sinking Ships

Draumhvörf – Sinking Ships

Kanye West og Bon Iver gera lag saman

Egill Harðar — Wed, 01 Sep 2010 11:27:42 +0000

Það heyrist skammarlega lítið af rappi hér á Rjómanum. Úr því skal nú bætt með meðfylgjandi lagstúf frá Kanye West og fjölbreyttu og fríðu föruneyti hans sem m.a. inniheldur indie hetjuna Bon Iver (eða Justin Vernon eins og hann heitir réttu nafni). Lagið er að finna á fimm laga plötu sem er samvinnuverkefni Kanye West og Jay-Z og heitir Watch the Throne.

Kanye West – Monster (Feat. Nicki Minaj, Jay-Z, Rick Ross, Bon Iver)

Kanye West – Monster (Feat. Nicki Minaj, Jay-Z, Rick Ross, Bon Iver)

20 ára Afmælishátíð Party Zone

Rjóminn — Wed, 01 Sep 2010 09:45:18 +0000

20 ára afmælishátíð Party Zone, dansþáttar þjóðarinnar, verður haldin á Nasa, laugardagskvöldið 4.sept. Miðaverð: 2500 kr. Forsala á www.midi.is (forsölumiðar á 2000 kr í takmörkuðu magni).

Fram koma:

GUS GUS (live)
RHYTHM DOCTOR (UK) - sérstök endurkoma
MARGEIR & ÁRNI E með sérstakt PZ 20 viðhafnarsett
HUMAN WOMAN (live)
CASANOVA – classic deep set
…ásamt óvæntum og væntum gestum.

Efri hæð í veglegu forpartýi:

CAPTAIN FUFANU (live)
FRÍMANN & HENDRIK með classic techno/trans sett
JÓNFRI og gestir með PZ 2000+
MÁR & NIELSEN
o.fl gamlar hetjur sem auglýstar verða þegar nær dregur

Kurt Maloo – Afterglow (Frisvold & Lindbæk Mix)

Chromeo – Don’t Turn The Lights On (Aeroplane Remix)

Mark Ronson & The Business INTL – Bang Bang Bang (U-Tern’s Disco Dub)

Melchior –

Rjóminn — Tue, 31 Aug 2010 17:29:43 +0000

Þann 1. september gefur hljómsveitin Melchior út tvöfalda hljómdiskinn <1980. Um er að ræða endurútgáfu á vínilplötunum Silfurgrænu ilmvatni og Balapoppi, en öll lög þeirra platna voru tekin upp fyrir árið 1980. Sérstaklega má minnast lagsins Alan, sem naut verulegra vinsælda. Þá mun hljómsveitin halda útgáfutónleika á Café Rósenberg, 2. september, 2010, þar sem lög af plötunum verða leikin.

Hljómsveitin Melchior er skipuð þeim Hilmari Oddssyni, Hróðmari I Sigurbjörnssyni og Karli Roth, en þeir félagar syngja og leika á gítara og hljómborð. Gunnar Hrafnsson leikur á bassa og Steingrímur Guðmundsson á trommur. Kristín Jóhannsdóttir er söngkona sveitarinnar.

Á tónleikunum á fimmtudaginn leika með sveitinni Margrét Kristjánsdóttir fiðluleikari, Ari Hróðmarsson á básúnu og Ragnhildur Gunnarsdóttir á trompett.

Sérstakur gestur á tónleikunum verður Helga Möller, en þess má til gamans geta að Helga kom fyrst fram á hljómplötu með hljómsveitinni Melchior, þá sextán ára gömul.

Melchior – Alan

Melchior – Alan

Amusement Parks on Fire

Egill Harðar — Tue, 31 Aug 2010 13:58:33 +0000

Amusement Parks on Fire er afar áhugaverður kvintett frá Bretlandi sem er á leið hingað til lands og munu spila á Sódóma Reykjavík þann 16. spetember næstkomandi.

Amusement Parks on Fire var stofnuð af Michael Feerick árið 2004 en hann gerði sér lítið fyrir og samdi og flutti sjálfur alla tónlist á samnefndri fyrstu plötu sveitarinnar. Eins og áður sagði hafa nú fjórir meðlimir bæst í hópinn og vinnur sveitin nú að sinni þriðju plötu.

Meðfylgjandi eru tvö lög sem gefa ættu góð fyrirheit um hverju íslenskir tónlistarunnendur eiga vona á um miðjan næsta mánuð á Sódóma.

Amusement Parks on Fire – Road Eyes

Amusement Parks on Fire – Road Eyes

Amusement Parks on Fire – Blackout

Amusement Parks on Fire – Blackout

Backyard og Bíó Paradís

Kristján Guðjónsson — Tue, 31 Aug 2010 09:27:22 +0000

Þetta er fyrir þessa fjóra sem ekki voru búnir að sjá treilerinn úr heimildarmyndinni Backyard sem kemur út 15.september. Hún virðist vera mikil stuðmynd og er fyrsta kvikmyndin um íslenska tónlist í langan tíma sem ekki er að drukkna í náttúruslefi. Fram koma Hjaltalín, FM Belfast, Retro Stefsson, Sin Fang Bous, Borko, Reykjavík! og einhverjir fleiri. Myndin verður opnunarmynd kvikmyndahússins Bíó Paradís, sem opnar í húsi Regnbogans. Lifi miðbærinn!

The Shimmies

Egill Harðar — Tue, 31 Aug 2010 09:12:18 +0000

Annað slagið berast Rjómanum skeyti þar sem kynntar eru nánast óþekktar sveitir. Það verður að játast að flestar eru þær best geymdar í gleymskunar dái og ekki þess virði að kynna fyrir lesendum. Það kemur þó fyrir að maður rekst á stöku sveit sem virkilega kemur á óvart. Bræðrasveitin The Shimmies er ein þessara skemmtilegu undantekninga og er tilkomumikið og poppskotið rokkið sem þeir spila sannarlega þess virði að berast til eyrna lesenda Rjómans.

The Shimmies gáfu nýverið út plötuna To All Beloved Enemies og hefur þeim í kjölfarið verið líkt við bönd eins og Grizzly Bear, Fleet Foxes og Band Of Horses með Jeff heitinn Buckley í farabroddi. Sjálfum finnst mér nú meira í sveitina spunnið en einföld samlíking við framangreindar sveitir þó eflaust megi finna sameiginleg einkenni í tónlist þeirra. Hitt er þó víst að fólk sem vill rokkið sitt tilfinningaríkt, líðandi og ljúfsárt ættu ekki að láta The Shimmies fram hjá sér fara.

The Shimmies – The Thing That Seems The Hardest Is Actually The Easiest

The Shimmies – The Thing That Seems The Hardest Is Actually The Easiest

The Shimmies – Judas

The Shimmies – Judas

The Shimmies – Beloved Enemies

The Shimmies – Beloved Enemies

No related posts.

Miðar á Airwaves seljast eins og heitar lummur!

Rjóminn — Mon, 30 Aug 2010 20:51:23 +0000

Miðasala á Iceland Airwaves 2010 hefur gengið með afbrigðum vel og nú eru um 3500 miðar seldir á hátíðina. Tilboðið „Early Bird “ hefur slegið í gegn og aldrei hafa fleiri miðar selst svo snemma í forsölu.

Þann 1. september næstkomandi hækkar miðaverð í 14.900 krónur en enn má gera kostakaup og fá miða á 13.500 krónur eða á 9.900 krónur með því að vera meðlimur í Vildarklúbbi Icelandair. Þess ber að geta að aðeins eru um 1500 miðar óseldir á hátíðina sem fram fer 13. – 17. október.

Oh No Ono – Swim

Í vikunni verður tilkynnt um fleiri listamenn sem koma fram á Airwaves í ár, bæði innlenda og erlenda en þegar hafa yfir 200 atriði verið bókuð og þar af eru 70 erlendir listamenn og hljómsveitir. Allt stefnir í óvenju glæsilega hátíð í ár sem engir alvöru tónlistarunnendur ættu að láta fram hjá sér fara.

Kaupa miða: http://midi.is/tonleikar/1/5986

Ný heimasíða hátíðarinnar: http://www.icelandairwaves.is

Facebook: http://www.facebook.com/icelandairwavesfestival

Twitter: http://twitter.com/icelandairwaves