Um Rjómann

Rjómanum, vefriti um tónlist og tilheyrandi, var hleypt af stokkunum þann 19. október árið 2005. Að honum stendur hópur fólks sem á það sameiginlegt að hafa brennandi áhuga á tónlist og flestu því sem henni tengist. Efni sem birtist á Rjómanum er skrifað af áhugafólki um tónlist fyrir annað áhugafólk um tónlist sem af einni ástæðu eða annarri gæti mögulega haft áhuga á að vita hvað okkur finnst.

Nafnið, Rjóminn, vísar til þess feitasta, þess sem flýtur ofan á, þess allra besta. Það þýðir þó ekki að Rjóminn taki einungis til umfjöllunar allra bestu tónlistina. Þvert á móti þá er Rjóminn óvæginn í gagnrýni sinni og hikar ekki við að skrifa niðurrifsspistla þar sem þeir eiga við. Engin tónlist er of ,,mainstream” fyrir Rjómann og engar tónlistarstefnur honum óviðkomandi þó áhugasvið fastapenna móti að sjálfsögðu umgjörðina að miklu leyti.

Rjóminn birtir reglulega plöturýni auk þess að fjalla ítarlega um tónlist, gamla sem nýja, birta umfjallanir um tónleika, viðtöl við tónlistarmenn og hljómsveitir, tóntengda pistla, myndbönd og annars konar efni. Markmið okkar er að veita lesendum innsýn í margræðan og síbreytilegan heim tónlistarinnar og leiðbeina þannig áhugasömum gegnum sífellt þéttari frumskóg nútímatónlistar.

Rjóminn gefur öllum plötum einkunnir á skalanum 0-5 í heilum og hálfum tölum. Til glöggvunar má líta á þetta sem óformlegan leiðarvísi um einkunnakerfið:

5,0 – Fádæma æðisleg plata. Það heyrir til algerra undantekninga að plata hljóti hina eftirsóttu fimmu og það má ganga út frá því sem vísu að plötur sem fá þá einkunn muni lifa í minningu fólks sem meistaraverk næstu ár og áratugi. Fimmur eru skyldueign fyrir alla.

4,0 – Virkilega góð plata. Fjarkar eru plötur sem Rjóminn mælir hiklaust með fyrir alla sem hafa áhuga á góðri tónlist.

3,0 – Fínasta plata. Þristum má mæla með fyrir aðdáendur tiltekinna hljómsveita eða tónlistarstefna. Aðrir gætu einnig haft gaman af en þurfa þó ekki að hlaupa til og næla sér í eintak.

2,0 – Sæmileg en gölluð plata. Tvistar eru plötur sem hafa eitthvað ,,pótentsjal” en klikka á svo mörgum sviðum að það er varla hægt að mæla með þeim nema fyrir allra hörðustu aðdáendur.

1,0 – Vond plata. Ásar eru slæmar plötur sem afskaplega fáir gætu mögulega fílað og því ræður Rjóminn fólki sterklega frá því að eyða í þær tíma eða hvað þá peningum.

0,0 – Algert ónýti. Ef eitthvað er erfiðara en að fá fimmu frá Rjómanum þá er það að hljóta hina miður eftirsóttu einkunn núll. Plötur sem fá þessa einkunn eru hrein og bein móðgun við hlustandann, misþyrma höfði hans og breyta honum til hins verra. Þessar plötur má ekki snerta með tíu metra priki, þær eru hættulegar geðheilsu.

Við erum:

Ritstjóri:
Egill Harðar – Póstur / 8687684

Vefstjóri:
Samúel J. Gunnarsson

Fastir pennar:
Pétur Valsson
Guðmundur Vestmann
Magnús Hákon Axelsson
Kristján Guðjónsson

Lausapennar:
Daníel Guðmundur Hjálmtýsson
Hildur Maral Hamíðsdóttir
Björgvin Ingi Ólafsson
Jóhannes Gunnar Þorsteinsson
Kristján Friðbjörn Sigurðarson

3 Athugasemdir

Tjáið ykkur um málið

Notendanafn (required) :
Netfang (required) :
Heimasíða :
Athugasemd yðar :
Authenticate this comment using OpenID.